المشاركة الأصلية كتبت بواسطة mamedo1
انا احترت بجد , ناس تقول العربيه تحفه وناس تقول وحشه وتكيفها سيئ وقطع غيارها غاليه والفتيس فيه مشكله وحرارتها بتعلى وسعر اعاده البيع وحش وصيانتها فى مصر صعبه , انا عايز اجيبها لانها عجبانى جداا بس الكلام اللى بقراه محيرنى
|
بص انا معايا العربيه ديه بقالها اكتر من سنه وكنت شاريها مستعمله استعمال واحده ست فا الحمد الله كانت بحالها المهم
العربيه ثابته جدا ومريحه جدا والتكنولوجيا فى عاليه
التكيف بتعها حلو ومش سيئ خالص
قطع الغيار بتعتها غاليه نسبيا لكن مش قوى بس معمره
انا بصلح الحاجات المهمه فى التوكيل بص السيرفس الكامل فى التوكيل بى 700 جنيه
طبعا مش اى حد بيصلحها يعنى الحرفيين ناس متخصصه فى البيجو بس
موضوع الفتيس انت لو سخنت العربيه قبل متطلع الصبح هتلاقيها معاك تمام انا من ساعه مجبتها النتشه محصلتش معايا كتير اعتقد مرات قليله
وعموما اى عربيه هتحافظ عليها هتبقى معاك كويس لو بهدلتها هتبهدلك
طبعا اعاده البيع مقلكش شوف العربيه كانت زيرو بكام وانت لو جبتها مستعمل بكام
نصيه لو بتغير على طول مجبهاش لكن لو هتجيبها تقعد معاك مثلا بال 8 سنين او كده يبقى هاتها هيبقى معاك عربيه ماركه كويسه ومريحه واوبشن وكله وربنا يوفقك فى الافضل