المشاركة الأصلية كتبت بواسطة sam ram
قبل السيينا كان معايا فيليشيا 97 ... و انا بشتريها فكرت في الاكسيل خصوصا علشان كان فيها اوبشنز اكتر وسيدان مع اني كنت لسه شاب عازب و عايز هاتشباك
وحمدت ربنا اني مجبتهاش لأني معتقدش انها كانت حتستحمل نص اللي عملته في الفيليشيا او السيينا
لكن عموما الكوري اتحسن و اتطور كتير عن الاول من الاكسنت للفيرنا للنيو اكسنت
من السيفيا للسيراتو .. أو موديلات الالنترا
طالما العربيه لوالدتك فالسيينا حتبقى افضل من الفيليشيا لأنها انعم (بباور والفيليشيا من غير ) وكمان الشنطه الكبيره تنفع للسفر و الشيل
الابيزا و الكورسا والبولو اختيارات ممكن تلاقي منهم في رينج السعر بس انت وحظك على ما تلاقي حاله كويسه
الشاهين عربيه محترمه بس غالبا مش حتبقى مناسبه لوالدتك برضو
وبلاش البرايد
وبرضو لو قابلت اكسنت او لانوس 1 بحاله كويسه ممكن تبص عليهم لو في رينج السعر
بس برضو الاهم الحاله
عموما ده رأيي الشخصي ودي العربيات اللي في بالي دلوقتي شوف برضو رأي بقيه الزملا
|
متشكر قوي على الرد وأنا إن شاء الله نازل السوق بكرة عشان أشوف الاسعار ولو لقيت حاجة كويسة ممكن أخَلص فيها بس حضرتك ادعيلي