رد: مشكلة كبيرة فى عربيتى نيسان صنى سوبر صالون 2010
معلش انا اسف مكنتش واخد بالي ان العربية 2010
بس كدة زي ما قالولك الأساتذة بص علي زرار الأوفر درايف اللي المفروض هيوصلك الي 160 ك/ساعة علي النقلة التالتة
وعلشان استدرك معاك خطأي السابق هساعدك في عمل ختبار بسيط لقياس العزم الأقصي و القدرة القصوي لعربيتك
الفتيس عندك متفصل 1 و 2 و 3
هتكون واقف تماما وهتقوم جايب علي 1 و هتقوم بزيادة البنزين لحد ما توصل الي الرقم في rpm اللي بيديك اعلي عزم الموتور عادة بيكون 3500 ربم او 4000 في بعض العربيات او حسب ماهو موصي به في كتيب العربية وتنقل نقلة للرقم 2 بهدوء جدا وتكرر العملية هتعمل نفس الموضوع و تحسب التسارع بعد 100 و حتي 120 كام ثانية تقريبا ومن 120 الي 140 كام ثانية تقريبا
هتعمل نفس الأختبار السابق و لكن عند اعلي نقطة بيصل اليها قوة الموتور الحصانية و عادة دي بتكون من 5500 الي 6000 rpm صوت المتور هيكون عالي و هتحس انك بتعمل ريسنح متخفش
تحسب نفس الحسبة وتقارنهم ببعض لو نفس القيمة يبقي مفيش عندك اي مشاكل في العربية لو القيم بتختلف يبقي تروح للتوكيل وتطلب منهم عمل كشف قوة كبس للموتور علشان تعرف اية الرقم الصح اللي لازم تشفت عندة الجير وتطلب لو امكن معايرة فتيس العربية علي العزم الأقصي و الهورس باور الأقصي للعربية
و اي استفسار انا تحت امرك
|