اسف جدا يا شباب على التأخر فى الرد
الزيت مشيت بيه حوالى 2500 كيلو وبصراحه ما شاء الله مخلى عربيتى الكارينز انعم مليون مره من الزيت اللى كان جاى فيها وابتديت احس ان استهلاك العربيه للبنزين اتحسن كتير برضه
مجمل القول انى حسيت ان العربيه بقت احسن كتييير عن الاول بس مظهرش الفرق ده غير بعد ما مشيت حوالى 1000 كيلو على الزيت ده
الزيت لونه فسفورى وله ريحه كويسه يعنى دول حاجتين يخلوك تقدر تفرق ما بين الاصلى والمضروب لاقدر الله فى حاله وجوده لما يثبت نجاحه
اللى بيستوردو الزيت هما 4 فى مصر واحد فى القاهره اللى محطوط رقم تليفونه
وواحد فى الزقازيق ( اللى انا جبت منه ) وواحد فى المنصوره الراجل بتاع الزقازيق قالى ان اللى فى المنصوره هو ابن الشيخ متولى الشعراوى الله يرحمه
دى صوره الزيت اللى انا حطيته حطيت نفس الرقم اللى موجود على الموبيل وان ( w5-50 )
سعر الجركن كان تقريبا 248 جنيه مش فاكر بصراحه
مجمل القول انا متوقع بصراحه ان الزيت ده هياخد مكانته فى مصر فى خلال سنه
وبرضه فى منتجات كتير للشركه دى للعنايه باجزاء العربيه ( الميكانيكا ) زيوت واضافات للسوائل بس بصراحه اسعارها غاليه
يارب ااكون قدرت ارد عليكو