المشاركة الأصلية كتبت بواسطة abokoko
ملحوظه بسيطه
ممكن يكون الكلام اللى فوق صح
لكن
ال لادا لسه بتنتج الى الان وبالتالى قطع غيارها هتكون موجوده وحديثه
ال132 اعتقد انتهت اواخر الثمانينات بالتالى قطع الغيار كل شويه هتقل
ولو مش فارقه معاك يبقي فى الحاله دى سيبك من الاتنين وهات لك بيجو 504
|
اولا حضرتك شكلك مركبتش 132 سليمه قبل كده لان لو ده حصل هتعرف انها ركوبه افضل مليون مره من اللادا واقدر اقولك انها ركوبه افضل من عربيات كوري وصيني كتير بشهادة اصحابها زي اللانوس والفيرنا والاسبرانزا والشيري والكلام ده كلو علي فكره بدون مبالغه اي عربيه من دول متسترش قدام ال 132 في الجري والثبات عارف حضرتك يعني ايه اتنين كامه 1600 - 1800 - 2000 سي سي
حاجه لا تقارن بمواتير الكوري والصيني وممكن الياباني الحديث
ثانيا عمر قطع الغيار بتاعت 132 ماكانت مشكله اولا معمره عكس اللادا ولو المفروض منركبش 132 علشان قطع الغيار غاليه ونادره يبقي في عربيات اولي منركبهاش زي
ميتسوبيشي جالانت داتسون تمانينات بيجو 304 305 مرسيدس 190 و200 سبعينات وتمانينات كابريس
ثالثا ال 132 ناعمه جدا عن اللادا ودي ميزة الفيات عموما انما اللادا فضيحه علي الطريق في الجري حتي لو زيرو
دايما عفشة اللادا بتقلق اللي راكبها انا شخصيا اعرف 4 عندهم لادا كلهم عملو حوادث بسبب ملص البيض ربنا يبعد عنك ويحرسك ويعافيك ويبعد عنك شرها
لما نيجي نقارن صح يبقي بين ال 132 والبيجو 504
بس من وجهة نظري ال 132 اشيك من البيجو
ال 132 بدون ادني معاناة تقفل بيها 150 - 160 ولو زودت عادي بالنسبلها
انما اللادا تنحرها علشان توصل للكلام ده