المشاركة الأصلية كتبت بواسطة mbadr3010
انا معايا لانوس 2011
العربية عكس كل الكلام اللى بيتقال عليها بنسبة كبيرة كويسة جدا معايا
مشاكلها معايا هى كالاتى :
الفرامل مهما عملت ضعيفة
صوت المحرك عالى
وكمان استفسار بسيط بخصوص الابرو وازاى استعملة والطريقة كمان
|
السيد الفاضل,,,,
بالبدايه اوجه عناية سيادتكم انى اللانوس سياره محترمه جداً بس فيه شوية ايتفسارات بخصوص النقط التى تتحدث عنها,,,
1- الفرامل هل هى ضعيفه ولا بتتزحلق مع الفرمله , بتختلف, لو بتتزحلق ديه عيب فى الدايو عموما, اما لو ضعيفه فديه فيها مشكله لازم يتراجع عليها , من مشاكلها المعروفه الطنابير الأماميه لا تقبل للمسح عند خراط بل يجب تغييرها , تيل الفرامل لا يقبل سنفره زى ما الميكانيكيه بيعملوا لازم يتغير, وقطع غيارها رخيصه اوى التيل الأصلى فى حدود 90 جنيه ,,,
2- بخصوص صوت الماكينه , هو صوت الكستبانات بيكون عالى اثناء الدواره صباحاً بس اول ما تسخن العربيه بتظبط, غير كده كلمنى اوصفلى الصوت وانا هاساعدك, بس رجاءاً لو وصلنا للمشكله من ايه انشر تجربتك عشان الناس تعرف على المنتدى ,,,
30 بخصوص النقطه الثالثه انا مش فاهم قصدك بال الابرو ,ممكن توصفلى قصدك ايه ,,,,
ولكم فائق الاحترام والتقدير,,,,