[Injection]

المواسير نوعين, فيه حديد أستانلس كنت شاريها ب80 جنيه من عند الرومانى بتاع الأكسسوارات اللى فى السواح, جنب الرومانى بتاع العجل بالظبط, ومفاصلتش معاه فيها خالص.

وفيه بلاستيك مطاط طولها حوالى متر ولا حاجة, دى لو عايز تركب الفلتر بيها عند الأكصدام, وثمنها فى حدود 180 الى 190 جنيه, مع أن متر مواسير بلاستيك وكوعين ب 20 جنيه يؤدوا نفس الوظيفة

عايز رأيى الشخصى, أنا ركبت الفلتر بكل الطرق الممكنة, ماسورة العربية الأصلية, والحديد, والأثنين مفرقوش عن بعض لافى السحب ولافى الصوت, ده حتى البلاستيك كان صوت الفلتر عليها أحسن.

وركبته تحت العربية بمواسير بلاستيك صرف صحى وأديه شغال أحلى شغل.

وأتأكد أن الماسورة فيها مكان لحساس الماف أو لأى خرطوم فاكيوم راكب فى الماسورة البلاستيك, يعنى لازم الماسورة تكون لنوع عربيتك (أسأل الراجل) علشان غالبا هيبقى فيه حساس أو خرطوم بيركب عليها.

وهتلاقيها موجودة أكيد برضه عند جو و TPS وأنزو

جروب أنزو على الفيس (فيه عناوين وصور أتفرج عليها) http://www.facebook.com/group.php?gid=7862269562 والتانى جو go وده زى أنزو ونفس الحكاية أتفرج على الصور وخد العنوان من الجروب وأدى الجروب http://www.facebook.com/pages/Cairo-Egypt/GO-for-car-accessories/248198282760 جروب TPS http://www.facebook.com/group.php?gid=6083361617# !/group.php?gid=6083361617& v=info

(من مشاركة أخرى ليا, العناوين وأرقام التليفونات بالجروبات)

بس أنا مش متصور أنك لقيتها نادرة كده فى شارع دمشق, ده المحلات هناك بالعبيط.

وعلى فكرة الماسورة فعلا ولا ليها لازمة, ومتستاهلش 15 جنيه على بعض, وبالأمارة كانت فى علبة بيضاء وجاى معاها خرطوم أزرق وحديدتين ولا ليهم لازمة, صح

وبالتوفيق.