[sharooo]

المشاركة الأصلية كتبت بواسطة mahshahin ياباشا انت عمرك ما سمعت عن البي واي دي ولا عمرك شوفتها في محافظتك واكيد طبعا مركبتهاش ودة كان كلامك في احد المشاركات .... يبقى مشاركتك ملهاش اي قيمة لانها مابنيه عن سمع وعن نقل اي مواضيع تسئ في السيارة لانك أصلا موضوع الصيني مش داخل دماغك وانت حر طبعا في اختيارك ...... وبالتالي جميع مشاركتك زم وشتيمة في الصيني لاثبات نظرية الصيني = زبالة لكن انا شايف ان الموضوع قضاء وقدر بدليل انها مشكلة فردية وجميعنا معرضين لهذا الموقف مهما كان نوع الاطارات ************************* ************************* ****** وزي ما انت شايف ان موضوع انفجار الاطار عيب في السيارة البي واي دى لاء افتح الجرائد كل يوم صفحة الحوادث وهات انواع السيارات اللي كاوتشها انفجر وانقلبت بصاحبها ومات ولا اتصاب وقلنا على نوعها عشان مانشتريهاش وربنا يكفينا جميعاً شر انفجار الاطار جميعاً هاااا مش أصحاب البي واي دي بس يعني من اول البي ام والمرسيدس لحد التوكتوك ************************* ************************* ****** وزي ما نصحتني ...... أنصحك بقى انك تعمل مواضيع في قسم الريتمووو هاتكون مفيد اوي هناك واكيد هاتلاقي نفسك تحياتي يابرنس

السلام عليكم
اخي الكريم ارجو انك تشوف رايي و متتدايقش من كلامي
والله الراجل مشتمش في الصيني الراجل قال وجهه نظره

مش لازم انك مقتنع بالعربيه الصيني يبقى بقيه الناس غلطانه
لان ممكن ييجي يوم وتكتشف انك اخطات الاختيار
يوم ما تيجي تبيع او تعمل صيانه وتحتاج قطع غيار وحساسات وعفشه او يوم ما تفاجا انك بتعمل عمره على 200 الف كيلو او تغير طلمبه البور بعد 40 الف كيلو او تغير طقم الدبرياج بعد60 الف كيلو او تلاقي الكوتش ضرب قبل 10 الاف كيلو
دايما الاختلاف في الراي لا يفسد للود قضيه والجدل في اي موضوع للوصول لوجهه نظر المفروض ميدخلش في مواضيع تانه .التعصب للراي ملوش لازمه ابدا

في الاخر ارجو اني كلامي ميدايقكش..شكرا