[Dido74]

المشاركة الأصلية كتبت بواسطة heshamibrahim بصراحه الوكيل خلى الناس تكره حاجه اسمها دايهاتسو انا تعاملت مع التوكيل فى العبور و ابو رواش ووجدت ان الناس هناك محترمين جدآ بس المشكلة عيوب العربية كل مرة نفس العيب ( صوت العفشة حاجة مش يابانى خالص و رجرجة فى جسم العربية ورعشة فى الدريكسيون بعد 80 و دايمآ الرد اصل العربية عالية و ده شئ عادى و ما تقارنش العربية ده بالعربية السيدان)

يعني علشان مش سيدان لازم ترجرج وترخبط وترعش وتنكد عليك عيشتك.... ما شاء الله ...والله ونعم الرد... أنا لو منك كنت عملت للي قالي الكلام ده مشاكل جامدة ... يعني آخد اسمه واسم مديرة واسم اللي مشغلينه ...وإيميلات وشكاوي على ودنة للشركة الأم... وشكاوي لجهاز حماية المستهلك .. ومحاضر في البوليس لو أمكن... يعني أخيلهم ينامو يحلموا بيا وبراحة العميل... وكل ده على فكرة مش بياخد وقت ولا مجهود زي ماالناس متخيلة ...بس بيربي النصابين ويخوفهم من التدليس والتعمية واستجهال الناس ...ويخليهم ينقوا الفنيين اللي بيشتغلوا عندهم ....ويفكروا أكتر من مرة في مصالح الناس زي ما بيفكروا في زيادة أرباحهم... ولو عملت كده اؤكد لك انهم حيجروا وراك ويتصلوا بيك ويراضوك ويصلحولك عربيتك ويرجعوها أحسن من الأول ...بس ما تسكتش على حقك يا صديقي... وشكراً