رد: العربيه مش بتدور بسهوله........... بتطلع عيني
السلام عليكم ورحمة الله
موضوع تأخيير الدوارة الصبح دة لة اكثر من عامل .. لذا لازم نبدءها حاجة ورا التانية . انا قابلتنى نفس المشكلة
وطبيعي ان السيارة تتأخر الدوارة فى الشتاء وفى وجود رطوبة عالية جداَ متكثفة على كل حاجة ف العربية
بس تأخير بسيط مش مبالغ فية .
اولا : الكربراتير .. لو العربية كربراتير مش انجكشن .. لازم تروح لبتاع كربراتير يكشف لك علية ويظبطهولك
وتقولة على مشكلة تأخير الدوارة ... ودة اللى انا عملتة واتضح ان العيب مش منة بعد كدة ... يعنى ممكن يطلع العيب
مش منة دة عادى .. بس خطوة لازم حضرتك تعملها لانة اكبر سبب فى تأخر الدوارة الصبح . اتفقنا ؟
ثانيا : زيت الفتيس ... اللى عملتة انى غيرت الزيت وحطيت زيت تسعين خفيف جداّ .. الزيت القديم كان عامل زى السمنة كدة لما تنشف ف التلاجة .. فالحل انك تغير زيت .. وانت بتدور العربية الصبح لازم تضغط دبرياج
الكلام دة صحيح لنقطتين ودى عن تجربتى .. النقطة الاولى : ان الاكسيل بالذات موديلات من 94 - 98 والاكسنت
باردو مش بيدورو اصلا الا بعد الضغط على الدبرياج ودى لان الدبرياج بيكمل الدايرة الكهربية بتاعتها ودة صح للامان
النقطة التانية : ان بضغطك على الدبرياج بتفصل خالص الفتيس عن الماتور .. وبالتالى بتـــخف جداَ من حمل دوارة السيارة .. ودى عن تجربتى مع اكثر من سيارة مظبوطة . اضغط دبرياج وحضر ودور بس كدة .
اتأكد ان فلتر البنزين حالتة كويسة ... يبقى المطلوب من حضرتك تمشى على
الخطوات دى هكتبها لحضرتك بهيئة نقاط .. وحضرتك انزل والعربية باردة جداَ جربها وقولنا وهنكمل معاك المسيرة : وايضاَ خبراء المنتدى والمهندسين هيفيدوك بأذن الله اكثر
1 - الكشف على الكربراتير وضبطة لدى مـتخصص كربراتير وليس ميكانيكى
2 - الكشف عن كهرباء الاسبراتير والتأكد انة تمام لدى الكهربائى
3 - الكشف على الفلاتر الهوا والبنزين والتأكد انهم تمام
4 - اضغط على دواسة البنزين 3 مرات ثم ضع المفتاح ثم اضغط دبرياج
5 - سمى الله ودور .. وان شاء الله هدور طالما دة كلة مظبوط .. والبوجيهات جديدة زى محضرتك قلت انك غيرتها
|