رد: كم تسوى تويوتا كرسيدا
من 25 - 30 ألف
العربية جميلة جدا وثابتة بشكل كبير... غير إنها قوية جدا
الموتور 2000 سي سي .. 100 حصان
الجيربوكس : يدوي 4 سرعات أو أوتوماتيك 4 سرعات (ممكن يركب عليها جيربوكس 5 سرعات بتاع الكريسيدا 85 إلى 96)
الكماليات:
باور ستيرنج
تكييف
كاسيت + 4 سماعات
فتح الشنطة والتانك من الداخل
مخدع وسطي في الكنبة الخلفية
استهلاك الوقود
على الطرق السريعة: 200 كيلومتر لكل 20 لتر (صفيحة) في الجيربوكس اليدوي الـ4 سرعات
داخل المدينة: حوالي 140 كيلومتر (أو أقل) لكل 20 لتر
لو التكييف الأصلي شغال... انسى أي تكييف من بتوع دلوقتي
أعطال السيارة...
يكاد يكون مفيش أعطال... المشكلة بتبقى أساسا في الأجزاء الكاوتش زي الخراطيم والجوانات والحاجات اللي زي دي
المشاكل الأساسية:
البارومة في الرفارف من تحت وأسفل الأبواب... وعشان تمنعها اتأكد من إن فتحات تسريب المياه في الأسفل دايما نظيفة وغير مسدودة بالأتربة
غطاء الحماية فوق الفرن لازم يكون معزول كويس بواسطة جوان من مادة عازلة للحرارة عشان ما يطلعش الحرارة بتاعته على الخراطيم المحيطة (خراطيم الباور وكوعة المية)
ده اللي أنا فاكره دلوقتي
لو عايز أي حاجة أو معلومات تانية عن العربية ... أنا تحت أمرك
...
|