المشاركة الأصلية كتبت بواسطة motez
استاذ حمدى لى استفسار بسيط المبلط الله يسامحه فى شقة والدى ترك مسافة حوالى 1 سم فوق البانيو وملاها باسمنت ابيض بس مع الوقت بيتكسر بالماء هل فى حل اخر كبديل قوى للاسمنت الابيض جزاءاك الله كل خير ..
|
نعم فيه بدائل اولا ممكن يتفرغ مسافه 8 سم مثلا بالصاروخ وتركب لون تاني زي الوزة او وزره جاهزه وممكن تركب من غيرتفريغ علي البلاط بارزه وممكن تركب رخام لكن احب ان انبه علي ان الاسمنت الابيض مش بالسهوله دي ان ينكسر بالماء ولكن هوغالبا سقاه ناشف وغالبا فيه حاجه مطبله اما البانيواو البلاط نفسه وبالتالي مع الضغط والتهويه بينكسر الاسمنت الابيض وغالبا ممكن يكون مكسور حتت يعني مش كله لان الحته اللي وراها اسمنت اسمر هتكون كويسه اما اللي مطبله بتكون معششه فبتنكسر بسهوله ممكن تجرب تعمل شوية اسمنت ابيض معجون وتسقي الحتت دي تاني مع كبس المسافه كويس يعني تضغط عليها وانت بتسقيهاعلشان متكونش معششه وان شاء الله تكون كويسه ومتنساش تلبس جوند في ايدك علشان الاسمنت بياكل الايد لو عملت كدي وفتحت يبقي ماقدمكش غير الحل الاول وهو الوزرة واسال الله ان يوفقك ويجزيك كل خير