المشاركة الأصلية كتبت بواسطة hatemeid
السلام عليكم ورحمه الله وبركاته
ده تقرير صغير عن بعض المميزات والعيوب للعربية الانوس 2012 و ده من وجهه نظرى انا مع العلم انها اول سيارة حديثة اركبها بعد السيارات التى كانت عندى (بيجو 504 , فيات 132 , لادا ) يعينى انا سوقت عربيات كتير قديمة و بعض عربيات اصحابى بس مش لفترة طويلة يعنى ممكن مشوار كده صغير ,, يعنى ماقدرش احكم على اى سيارة بجد الا لما بجربها لفترة طويلة و فى ظروف مختلفة ,,,,
اولا لازم نتفق على حاجة انا لو معايا سعر البى ام دابليو او المرسيدس اكيد اكيد اكيد كنت اشتريتهم و لا فكرت فى اى حاجه غيرهم ,,,علشان كده لازم نحكم على اى عربية حكم صحيح و ده اول حاجه فى الحكم الصحيح و هى الفئة السعرية,,,يعنى لو قلنا الفئة السعرية ديه نقول لانوس او فيرنا او لوجان او اسبيرانزا صينى ,,,يعنى ده الموجود فى الساحة فى مصر دلوقتى,,,
و حاجه تانية برضه انت عايز ايه من العربية؟؟؟؟؟ يعنى حدد امكانيات عربيتك,,,,و الحاجه الاخيرة برضه اللى لازم الناس كلها تكون عارفاها ومقتنعة بيها هى لو معاك عربية بورش او فيرارى و سواقتك وحشة او مفيش صيانة يعنى مهمل فى العربية ,,,يعنى مجرد امشى بالعربية وخلاص لغاية ما تعطل ده فكر خاطئ جدا جدا جدا,,,,,هتعطل يعنى هتعطل وهتخنقك
و من وجهى نظرى ديه بعض المميزات و العيوب للسيارة الانوس:
المميزات:
عملية , باور ممتاز , قطع غيار متوفرة , صيانة متوفرة , تكييف جيد جدا , اقتصادية فى البنزين , متزنة على السرعات العالية , شنطة واسعة , عند بيعها ماتخسرش كتير
العيوب:
دهان سئ , موتور يحتاج الى معاملة خاصه عند تحميل السيارة بالركاب , تقفيل بخيل اوى اوى , سماعات سيئة جدا
و لكم جزيل الشكر ,,,ارجو ابداء الاراء و المناقشة حول تلك العيوب و المميزات
|