المشاركة الأصلية كتبت بواسطة xxx2007
و جيب و همر ( جبابره الدفع الرباعى ) بالاضافه الى كاديلاك اسطوره الفخامه على مر السنون .
|
بالنسبة لعمالقة الدفع الرباعى......حضرتك محتاج تتعرف أكتر على Range ROver الصانع الوحيد فى العالم الذى يتخصص فى فئة سيارات ال 4X4 و منذ عقود طويلة و ظلت صامدة فى مواجهة الصعوبات الاقتصادية واحدة تلو الأخرى....ده كشركة....
لكن كمنتج.....لو Jeep بتعرف تعمل ال Wrangler إللى فيها كرسيين و كنبة و Soft Top فى عربية كلها قد البيضة و ليها كوتشات زى البلدوزر...يبقى لازم تشوف ال Range Rover HSE مثلا إللى هى قمة فى الفخامة من الداخل....و فيها إمكانيات دفع رباعى تتفوق بمراحل كتير أوى على ال Wrangler ....
أما ال Hummer فهى مشروع عسكرى بحت....مصروف عليها من ميزانية وزارة الدفاع الأمريكية و قام بالمساعدات الفنية General Motors .....و اشتهرت لما ظهرت على شاشات التليفيزيون فى حرب الخليج عام 1992 ...و إللى خلاها تكون سيارة مدنية هو Arnold Schwarzenegger لما اشتراها مستعملة من الجيش و قدر يرخصها ملاكى....لكن هى فى الأصل لم تكن موجهة لتنافس أى سيارة تجارية مدنية...دى كانت military standards فى الأصل...و طبعا فى الصناعة الحاجات ال military standards دى بتكون مواصفات مختلفة تماما عن مثيلتها التجارية.....
حكاية فخامة كاديلاك دى برضه مسألة نسبية.....
بص على مستوى الجودة فى ال XLR ...
و هى مش أحسن من الحاجوار XJ و لا ال Audi A8 و لا المرسيدس S-CLass و لا BMW 7-Series ...هى بس أرخص منهم
ببساطة العربيات الأمريكى بتخاطب جمهور محدود جغرافيا و كبير على مستوى التوزيع بالنسبة لمصنع....يعنى بيعملوا عربيات تناسبهم هما بس...و لإن فى الكتير من التشابه بين الخليج و أمريكا فالحال ماشى هناك برضه ( ده غير أسباب أخرى لن أتطرق لها )...لكن أفريقيا فيها كام مرسيدس و كام كاديلاك...آسيا فيها كام مرسيدس و كام كاديلاك...روسيا فيها كام من دى و كام من دى...أوروبا مش محتاج أطرح السؤال أصلا :-)