السلام عليكم
عملا بنصيحتكم قلت بلاش اتعافة واغير انا مية الريداتير بنفسى رحت لواحد جمبنا وانا معرفوش ومكتوب لتصليح وتغير الريداتير . قلتله عايز اغير المية قالى ماشى وقلتلة اجيبلك مية نوعها اية قالى لاة انا عندى مية خضراء كويسة المهم الراجل فك القربة ونظفها بالرمل وبقت فلة وبعد كدة شال الخرطوم الكبير الواصل للريداتير وحطة بوصلة فى حوض وابتدى يفتح المية فى الاربة وتطلع من الخرطوم مية اورانج لذية كلها صدى وحط شوية جاز كمان عشان ينظف الدورة قلتلة اجيبلك ابرو عشان الصدا قالى مش محتاجينة.
المهم فضل الوضع لحد ما المية بقت بتنزل بلونها الطبيعى . قفل وجاب جركل مية خضرا من عندة 4 ليتر (سعودى) وحط تقريبا نصة وقالى كدة تمام .
السؤال هنا الكلام اللى حصل صح ولا غلط؟
انا سمعت ان العربية بتاخد من 5 الى 6 لتر ودة اللى قالقنى.
انا طبعا خدت باقى الجركل.:w6w20050411224734 61
الكلام دة كان امبارح العصر النهاردة الصبح فتحت القربة لقيت فيها المية بس ناقصة حاجة بسيطة وزودتها لحد المنتصف.
سؤال كمان انا قلتلة تركيز المية كام قالى 70% (الكلام دة مش مكتوب على الجركل) قلتله ما نخففها قالى مالوش لازمة.انا بفكر انى ازود مية مقطرة ولا اعمل اية
وانا سامع ان التركيز العال بيضر بمواسير الريدياداتير