[Hisham.Elgazzar]

المشاركة الأصلية كتبت بواسطة amro_ahameed عمنا الكبير/ هشام بيه الله يبارك لك ويبارك في كنزي ويخليها لك ويخليها ليك معلومات اكتر من قيمة بالنسبة لعربيتي البلونيز - (معشوقتك ومعشوقتي انا كمان) - غيرت الاسبراتير العادي باسبراتير الكتروني وهي الحمد لله احسن شويه. والاسبراتير القديم لسه موجود معايا شايله احتياطي في شنطة العربية، بس حاسس ان العربية ممكن تدي احسن من كده. انا والله مكسوف منك وكنت عايزك تبص عليها بصه الراجل الخبير (وانا عارف انك ملك الجدعنه) في الوقت اللي يعجبك والمكان اللي يعجبك وانا من سكان مدينة نصر. وشكراً ليك مقدماً

ربنا يخليك يا عمرو باشا كلنا بنتعلم

تنور يباشا أى وقت انا موجود إن شاء الله
مكانى حاليا عند تقاطع مصر والسودان مع أحمد سعيد

كنت عاوز أعرف اه نوع البوجيهات اللى راكبة عليها
وأه حالة الموتور وآخر مرة ظبط التاكيهات كانت أمتى

نوعية الوقود المستخدم وبتفول من محطات اه ؟

حالة الشكمان ، الإسطوانة والديسك أخبارهم أه و

مقاس الكاوتش والجنط اسبور ولا عادى ؟؟

آخر مرة عملت شغل فى الفرامل والعفشة
معلش طولت عليك بس كل الحاجات دى بتأثر على أداء العربية بطريقة مباشرة