المشاركة الأصلية كتبت بواسطة azeweel
عداد RPM مش موجود فى الهاف أوبشنز فقط والعربية كويسة جدا .
وشكراً على المجهود الرائع فى التقرير
|
عربية كويسة وجدا كمان !! العربية دون المتوسط كاداء وتماسك الخ ...
التقفيل دون المستوى وتقدر تشوف دة واضح بالعين المجردة دون الحاجة للتدقيق انا اكتر من مرة فكرت الباب الخلفى مفتوح او مش مقفول كويس شوف لدرجة ايه
نوعية الدهان مش دون المتوسط اسوا نوعية دهان موجودة
غير ان السعر عالى ومغير مبرر مدفوع فيها اكتر من حقها لكن السوق المصرى غريب ومش مضبوط فى حاجات كتير زى اعادة البيع فى اللانوس كويس جدا العربية مطلوبة ومحبوبة من ناس كتير وتعتبر العربية ذات الشعبية الاولى فى مصر هى والفيرنا وتربعت على عرش المبيعات ما يقرب من العشر سنوات دون منافسة حقيقية وده راجع لعوامل كتير اولها عدم احترام المجمع المحلى للعميل وخاصة المواطن المصرى والدليل على كدة مصر مش تعرف تصدر اى عربية لاى بلد فى العالم حتى لو كان بلد متخلف وكمان المواطن المصرى ديما بيفرط فى حقوقة وبيروح للاسواء وبينجح بضائع تعتبر فاشله فى معظم الاسواق العالمية
نسيت اقولك ان المتعة الحقيقية اللى بتحسها من اللانوس لما توقف العربية وتنزل منها لانها مفيش بها اى متعة حتى دقة التوجية سيئة جدا وابتسامة الرضا الوحيدة اللى بتشوفها لما تقتنى العربية هى ابتسامة صاحب المعرض او مسؤول المبيعات ورغم كدة فضلت اللانوس ولازالت حوالى 15 سنة بطله مصر التى لا تقهر كمجمل عام ولا يعود للسياره نفسها انما يعود لكم تعقيدات التى تحكم السوق
العربية كانت ممتازة فى عصر التسيعينات وفرت حاجات كتير بسعر مدروس وذكى وجودة تقفيل دة كان 98 لغاية حوالى 2002 زى الباور والزجاج والمرايا الكهرباء وفوانيس الشبورة والفرامل الخلفية والسنترل لوك الخ فى هذا الوقت كانت اوبشنز فى عربيات كتير ونزلت فى االلانوس كتجهيز اساسى بس 39 الى 42 الف جينة وكان سعر فى ايامها ملائم اسف على الاطاله وشكرا ودمتم بود