[Badr Salah]

بسم الله

ان شاء الله اقدر اوصل لحضرتم فكرة عمل السيارات الكهربائية اللي بتدخل ضمن تقنية وسائل النقل الهجينة(Hybrid Vehicles)

مصطلح وسيلة النقل الهجينة يطلق علي اي وسيلة نقل تستخدم مصدرين مختلفين للطاقة للقيام بالحركة. وانتشر هذا المصطلح بشكل عام لكي يشير إلى وسائل النقل الكهربائية الهجينة (hybrid electric vehicles ) التي تحتوي على محرك احتراق داخلي ومحرك كهربائي ( وفي بعض وسائل النقل يوجد اكثر من محرك كهربي).

مصادر الطاقة
تستخدم وسائل النقل الهجينة مجموعة متنوعة من مصادر الطاقة؛ مثل:
· نظام لتخزين الطاقة خارجي او داخلي قابل للشحن
· البنزين او السولار او انواع وقود اخرى
· الهواء المضغوط
· النيتروجين السائل
· الطاقة البشرية ( زي التبديل في الدراجة او التجديف في المركب)
· قوة الرياح
· الكهرباء
· الغاز الطبيعي (المضغوط او المسال)
· اشعة الشمس
· الحرارة المفقودة ( من محرك الاحتراق الداخلي)
· الفحم او الخشب او اي مواد صلبة قابلة للأحتراق
· الطاقة الكهرومغناطيسية او موجات الراديو

ليه مصادر الطاقة دي كلها(علشان كل مصدر طاقة وليه وسيلة النقل اللي تنسبه يعني مش ها نلاقي عربيات مشية بالفحم هههههههه)

علشان الموضوع ميكبرش ونخش في أنواع وسائل النقل الهجينة ومصادر الطاقة اللي بتحركها ها نتكلم برحتنا عن السيارات الكهربائية الهجينة.

وطبعاً اول ما نقول سيارات كهربائية على طول هايجي في دمغنا مجموعة كبيرة من الموديلات والماركات زي:
شيفرولية تاهوChevrolet Tahoe, كاديلاك إسكالإد , Cadillac Escalade تويوتا بريوس Toyota Prius, تويوتا كامري هايبردToyota Camry Hybrid, فورد إِسكايب هايبردFord Escape Hybrid, تويوتا هاي لاندر هايبردToyota Highlander Hybrid, جي ام سي يوكونGMC Yukon, شيفورليه سلفيرادوChevrolet Silverado, هوندا انسايتHonda Insight, هوندا سفك هايبرد Honda Civic Hybrid, شيفورليه فولت Chevrolet Volt.

**السيارات الكهربائية الهجينه تحتوي عادتاً على محرك احتراق تقليدي (زي الي موجود في عربيتنا بيحرق بنزين او سولار او غاز وفي منها من غير محرك تقليدي) وبطاريات كهربائية لتزويد الموتور الكهربي بالطاقة. وفي انواع تانية من السيارات الكهربائية الهجينة بتختلف حسب انظمة ومكونات القوة المُحركة للسيارة.

وبكده نخش على اهم خاصية بتفرق موديل عن موديل في السيارات الكهربائية, مكونات نظام القوة الدافعة للسيارة:

اولاً: نظام التهجين المتوازي (Parallel hybrid)
في نظام التهجين او التشغيل المتوازي بيتم تركيب الموتور الكهربي وموتور الاحتراق التقليدي وتشغلهم على التوازي يعني ممكن الأثنين يشتغلوا مع بعض علشان يحركوا العربية او واحد منهم يشغل العربية ويزودها بقوة الدفع. والشائع في النظام ده ان يكون موتور الأحتراق والموتور الكهربي والفتيس متوصلين بنظام تعشيق بيشتغل اتوماتك. يعني لما العربية بتشتغل بالموتور الكهربائي بيتم فصل عمود التعشيق عن الموتور التقليدي يعني مبيبقاش ليه دور في تحريك العربية لكن التعشيق مع الفتيس بيفضل شغال. لكن لما العربية بتتحرك بقوة دفع المحرك العادي بيبقة الموتور الكهربائي شغال علي نفس السرعة. ومن اشهر العربيات اللي بتشتغل بالنظام ده الجميلة" هوندا انسايت Honda Insight" اللي صورتها منورة الموضوع.
هوندا انسايت Honda Insight





ثانياً: نظام التهجين المتوازي البسيط Mild parallel hybrid))
في هذا النظام بيكون دور الموتور الكهربي بسيط او محدود. عادتاً بتكون قوة الموتور الكهربي المدمج اكبر من 20 كيلو وات وبيشتغل علشان وظائف خاصية التوقف/التشغيل الآلي auto-stop/start features وكمان بيوفر طاقة اضافية بتساعد في دفع العربية اثناء عملية التسارع وبيهدي الموتور اثناء عملة التباطؤ.ومن اشهر العربيات اللي شغال على النظام ده:

هوندا سفك هايبرد Honda Civic Hybrid



مرسيدس بنز اس 400 بلو هايبرد Mercedes Benz S400 BlueHYBRID



بي ام دابليو سفن سيريس هايبرد BMW 7-Series hybrids






ثالثاً: نظام تهجين يعتمد على تقسيم الطاقة Power-split hybrid
النظام طبعا باين من اسمه, بيعتمد على تقسيم الطاقة بين المحركين؛ يعني : قوة الدفع الكهربائية اللي بتحرك العربية بتيجي من الموتورين مع بعض ( موتور الأحتراق الداخلي وموتور كهربائي). في هذا النظام القوة القادمة من المحركين بتشترك في تحريك ودفع السيارة من خلال مقسم للطاقة (عبارة عن مجموعة تروس مختلفة الأحجام). معدل الطاقة القادمة من المحرك التقليدي مفتوح من الصفر وحتى 100% وبرضة مفتوح من الصفر وحتى 100% للموتور الكهربي. يعني ايه الكلام ده!! ببساطة ممكن الطاقة اللي جاية من الموتور التقليدي وبتشارك في دفع العربية تبقة صفر او 30% او 60% او 100% ونفس الكلام للموتور الكهربائي. يعني الطاقة بتتقسم بين الموتورين لو موتور الأحتراق ها يطلع 60% يبقة المقسم ها ياخد 40% من الموتور الكهربي علشان العربية تشتغل بقوة 100%. وكمان الموتور الكهربي بيقوم في النظام ده بدور المولد اللي بيشحن البطاريات.
في الطريق المفتوح مصدر الطاقة الأساسي بيكون المحرك التقليدي لكن لما السائق بيحتاج لاقصى قوة في القيادة بيتم استخدام الطاقة القادمة من الموتور الكهربائي للمساعدة في الوصول لأقصى قوة وبكده تاثير القوة الجديدة بيخليك تحس ان الموتور اللي راكب في العربية بقه اكبر واقوى لكن لفترة قصيرة.من اشهر العربيات اللي ماشية بالنظام ده:
تويوتا بريوس Toyota Prius



رابعاً: نظام التهجين المتتالي Series hybrid
النظم ده بيختلف عن الأنظمة السابقة في حاجة بسيطة خالص مالص هي ايه؟ العربية بتمشي بموتور واحد من الأثنين يا تمشي بالموتور الكهربائي لوحده يا تمشي بالموتور التقليدي لوحده وبكدة مفيش اي اتصال ميكانيكي بين الموتور الكهربائي وموتور الأحتراق الداخلي. بس بيبقة في موتور صغير لوحدة متظبط جوه العربية بيشغل مولد زغنون علشان يشحن مجموعة البطاريات اللي بتزود العربية بالطاقة لو شاف ان الطاقة المطلوبة مخستعة شوية.

واشتقوا من النظام ده نظام تاني اسمه (نظام الشحن الكهربائي من مصدر خارجي Plug-in hybrid electrical vehicle) وده النظام اللي طورته شركة جنرال موتورز GM وشغلته في الحلوة شيفورليه فولت Chevrolet Volt. ونزلة بيه السوق وربنا يسترها عليهم ويعرفوا يلموا حق العربية. اصل الانتقادات نزلة ترف عليها, قال يعني علشان بتمشي بالموتور الكهربائي مسافة 40ميل(حوالي 65 كيلو) وبعدين تفضى وتحطها في الفيشة زي الموبايل علشان تشحن كمان 65 كيلو. هما بيقولوا ان معظم الامريكين بيروحوا ويجوا من شغلهم كل يوم في مسافة 65 كيلو طب لو واحد وقف في اشارة نص ساعة او زحمة ساعة زي عندنا ايه اللي ها يحصل,على العموم ها نشوف. موتور الاحتراق الداخلي اللي نازل فيها شغال بالغاز الطبيعي. البطاريات اللي مركبنها نوع نضيف اقوى مش صيني ( بطاريات لثيوم آيون Li-ion batteries) وبتشحن من كهربة البيت العادية يعني قبل ما تنام تحطها تشحن. ومن اشهر العربيات اللي ماشية بالنظام ده:

فورد إِسكايب هايبرد Ford Escape Hybrid




شيفورليه فولت Chevrolet Volt



أخيراً: نظام التهجين بخلايا الوقود Fuel cell, electric hybrid
نظام بسيط مفهوش موتور بنزين ولا موتور ديزل ولا غاز, بيستخدموا فيه خلايا الوقود اللي بتشتغل بالهيدروجين وبتولد طاقة تشحن بيها البطاريات الكهربائية لما تضعف وبكد العربية بقه فيها مصدرين للطاقة, خلايا الوقود وبطاريات كهربائية علشان كده بقة عربية كهربائية مهجنة مع ان خلايا الوقود مش بتشغل موتور العربية دي بتشحن البطاريات بس. وعلى فكرة البطاريات بتشحن كهربه بالفيشةمن البيت لو العربية واقفة وبتشحن من خلايا الوقود الهيدروجيني بعد ما تمشي حولي 25 ميل .ومن اشهر العربيات اللي شغالة بالنظام ده:

هوندا اف سي اكس Honda FCX



فورد إدج هاي سيريس درايف Ford Edge Hyseries Drive




اتمنى الموضوع يكون خفيف وعلى فكرة ممكن يتثبت