تجربتى فى تشميع السيارة"تحفة"
السلام عليكم ورحمة الله
كثرت الأقاويل بالنسبة لموضوع التشميع أو وكثيرا من الناس أبدوا سعادتهم بعد تجربة الشمع وكثيرا من الناس أعجبوا بهذا الكلام و أبدوا رغبتهم فى تجربته ولكن هناك من يخيف هؤلاء الناس بأن الشمع أو له تأثير ضار على الدهان أو يظهر خدوش السيارة ولكن فى نفس الوقت أنا فى أشد حاجة لهذه التجربة لأنى أعلم أن الشمع يحافظ على السيارة من الكثير من العوامل ويدوم وقت طويل ولأنى أمتلك لانسر بومة لون فيرانى"أجاركم الله"بهدلة اللون ده مهما فعلت وساخة
ولو حاولت تنظيفة بفوطة عادية الدنيا هاتخرب ولا حتى بميه تصدقوا أنى لازم أستخدم منتج بتاع غسيل مواتير أحط شوية على الفوطة وأنظف
العربية وده الحل الوحيد.
المهم أستعنت بالله وأشتريت علبه الشمع من عوض الله "نوعها صينى ولكن الشمع تركيبته برازيلى وكان تمنه حوالى 20 جنية":
ومكتوب على العلبة يدوم حتى سنة كاملة وهاقول لكم أى اللى خلاهم يقولو كده.
العلبة حجمها حلو وكان أمامى أنواع أخرى ولكن جذبنى النوع ده
طبعا هاتقولو مرحتش عند حد لى"بصراحة شغل نصب تدفع 150 جنية ليه دى عالم نصابة"
.صحيت تانى يوم الصبح وقرأت اللى على العلبة.
1-لازم أغسل السيارة الأول"كانت مغسولة أساسا"
3-أبتعد عن أشعة الشمس والحرارة وعشان كده شمعت آخر النهار
3-لازم أسيب الشمع حبه حلوين
4-لازم أشتغل فى التشميع بدوائر
5-الفوطة اللى هانظف بيها تكون نظيفة وياريت تكون قطن
أستخرت ربنا وبدأت يا جماعة وبدأت أوزع بدوائر وأحط بكميات كويسة والموضوع حتى الأنتهاء خد حوالى ساعة توزيع
وأستنيت شوية بقى وقالبى بيدق يا ترى هايكون حلو ولا الشركة نصابة لنفترض إنه بوظ الدهان ومنظر الشمع على العربية
مقرف أنت تخاف وللعلم العلبة تاخد العربية مرة واحدة فقط عشان كده بتدوم لسنة
بدأت بقى بعد نص ساعة أشيل الشمع بفوطة نظيفة ولما نظفت السقف قلت لنفسى
الله يخرب بيتك يا أحمد"اللى هو أنا"
أزاى أنا مجربتش الشمع ده بعد كل البهدلة دى,حسيت كأن العربية لسه خارجة من المعرض وب20 جنية بس دول تمن غسلة فى بنزينة
دهان العربية ناعم جدا جدا جدا وبتملع ونتائج مبهرة وجميلة والتراب تنفخة ينزل على طول بدون مشاكل
'أختبار بقى"
غطيت العربية ونزلت تانى يوم أشيل الغطاء ذى كل يوم تراب كتير من الغطاء
مسكت فوطة عادية ونظفت لقيت التراب بينزل فى ثانية لدرجة أنى مش عايز أستخدم فوطة عايز بس أنفخ ونفس اللمعان
بجد يا جماعة بنصح الكل يجرب الشمع ده فكرته جامدة لأنى شفته فى أفلام أجنبية كتير وكانو بيعملو طبقتين كمان
__________________
|