انا عاوز الاقى كلمة جديدة غير (تسلم اديك) اللى باقولهالك كل مرة مش عارف اقولك ايه بصراحة
يا باشا بجد مواضيعك بتمتعنا جدا و بتثقفنا جدا ... تسلم اديك و عنيك
طبعا الموديل القديم غنى عن التعريف و و انا سمعت مرة اننها بتتباع بتمن ال SLR الجديدة فى وقتنا الحالى .. ده لو حد من مقتنيها فكر يبيعها اصلا ... سيارة للتميز فقط
فلما يتم انتاجها بشكل جديد و اخر ما توصلت اليه التكنولوجيا اكيد هتكون حاجة مش طبيعة و ده العادى من بنك مصر ... قصدى من مرسيدس
انا طبعا مش هتكلم على قوة الموتور ولا عن التكنولوجيا ولا عن الانتيريور الوهمى ...
بس انا بصراحة رغم ان المرسيدس هى حبى الاول و الاخير الا ان العربية من قدام شكلها مش عاجبنى بتفكرنى بالدودج تشارجر ,, بس اكيد لما ينزلو منها النسخة التجارية شكلها هيتعدل شوية .. الا بقى لو كان ده الشكل التجارى الاخير..انا عارف طبعا ان العربية سوبر رياضية و ممكن يكونو عاوزين يعملو الشكل الهجومى هو اللى غالب على على طبيعتها .. طيب ليه عاملينها من ورا اقرب للشكل الكلاسيكى .. مش عارف ,, و بعدين ما هى SLR أعلى عربية سوبر رياضية حالية من مرسيدس يغلب عليها الشكل الكلاسيكى مع ايحاء غريب بقوتها و توحشها فى نفس الوقت .. مش عارف هل دى هى الغلطة اللى بيحاولو يتفادوها فى الشكل الجديد .... ماعتقدش ... و عموما ادينا بنتفرج
و اللى عايز اقوله برده ان العربية ال SL الجديدة اللى انا حاططها فى التوقيع بتاعى شكلها مش عاجبنى برده و انا حاططها قدامى علشان احاول اقنعنى ان شكلها حلو بس مفيش فايدة .. الشكل اللى قبلها بصراحة هو اللى مخيش فى دماغى (بس انت نسيت تحط صورته يا باشا من ضمن الموديلات,, اكيد علشان الناس ماتحبهوش عن الشكل الجديد
) ,, تحس انها وحش ماشى و فخامة و شياكة و حاجة تفرح يعنى و بالرغم ان الشكل الجديد ده يا دوبك غيروا شكل الفوانيس اللى قدام و تغيير بسيط قوى فى الفوانيس اللى ورا ,, الا انهم بجد بوظوا شكل العربية و خلاص و ما تشوفها فى الشارع ماتحسش بنفس الهيبة بتاعت الموديل اللى قبلها......
و شكرا ليك يا باشا مرة تانية