تعرف على انواع الفيوز...
الفيوز "FUSE" او قاطع التيار جزء بسيط بس فعال للغاية فى عربيتك
وفائدته انه بيقطع الامداد بالتيار للاجزاء المختلفة للسيارة لحماية المنظومة الكهربائية للسيارة
فى حالة وجود دائرة قصر " SHORT" فى جزء او اكثر من السيارة وفكرة عمله بسيطة للغاية
عبارة عن سلك معدني ينصهر عندما يتجاوز التيار المار فيه القيمة المحددة له وبالتالي يقطع الدائرة الكهربائية
وفيه منه انواع مختلفة من حيث القدرة وطريقة العمل بس هركز على الموجود فى العربية تحديدا
وده شكل الفيوز فى اغلب السيارات الان واسمه blade style لانه واخد شكل الشفرة
وفيه منه تلاث احجام "المينى" و "الوسط" اللى بيسمى AUTO لانه عادة يستخدم فى السيارات
و "الماكس" وده الاكبر حجما
طبعا الفيوزات بتيجى بقدرات تحمل مختلفة من اول 3 امبير الى ماشاء الله بس بالنسبة للعربيات
عادة بتبقى من 7.5 امبير الى 60 امبير طبقا لمكانه فى العربية .
واغلب الفيوزات بيبقى مطبوع عليه قدرته بالامبير ولكن الاعتماد الاساسى لمعرفة قدرته بيكون بواسطة لونه .
البنى = 7.5 أمبير
الاحمر =10 أمبير
الازرق = 15 امبير
الاصفر =20 اميبر
الابيض=25 امبير
الاخضر =30 امبير
ده بالنسبة للحجم الوسط الحجم الاكبر بيختلف كود الالون قليلا
[IMG]http://www.**********.net/Nile/images/statusicon/wol_error.gif[/IMG]اضغط هنا لمشاهدة الصورة بالحجم الطبيعي.
علشان كده عند حدوث اى مشكلة بالفيوزات يجب تغيره بنفس قيمة التالف للحرص
على امان المنظومة الكهربائية للسيارة
طبعا فيه اشكال تانية للفيوزات السيارة طبقا لطبيعة الاستخدام
وبينطبق عليها نفس كود اللون لتحديد الامبير الخاص بها
------------------
وده شكل الفيوزات فى السيارات القديمة
منقول...
|