موضوع جميل قوي وخلى كل واحد يفتح ويفضي المعبي.
مرة كان فيه حاجة من عينة اللزقة دي كدة وبجد الموضوع زاد عن حدة وخد منحنى أنا مش عايزه يروح فيه لدرجة إني كل الشلة بدؤوا يتريقوا عليا ويتغامزوا والحاجات دي والي يقولي خليك في فردة الشراب بتاعتك المهم قولت لأ لازم أحط حد للموضوع دا مش هينفع كدة في يوم لاقت تليفون مفاجئ كاعادة الخنيقة بتاعتها أنا عندك تقريبا في المعادي ودا طبعا بعد ما سألت إنتا بتعمل إيه ووراك إيه وأنا زي الأهبل مافيش أي جديد ولا أي حاجة المهم قولت طيب والله لا أطلع عليكي القديم والجديد قومت نازل قابلتها قولتلها عايزة تروحي فين قالتلي أنا كنت جاية ازور قرايبي هنا ولسة بدري وكنت عايزة أروح الجراند مول في صقر أكيد معظم الناس عارفاه والله العظيييييم قومت واخدها مشي من المعادي القديمة لحد الجراند مول وهناك طلعنا ونزلنا فوق الخمس تلاف مرة وتقولي إنتا مش بتشتري حاجة بتلف ليه أنا تعبت وطبعا أنا مستهبل على الآخر أصلي بدور على مش عارف إيه.... المهم إلى آخره خرجنا من باب المول يامعلم بقولها هتعملي إيه قالتلي تاكسي ووش على قرايبي وإنتا قولتلها لأ أنا لسة هلف أشوف أنا هشتري إيه.
إتزحلقت هيا وانا وقعت من تعبي في تاني تاكسي وراها على طول.
المحرج قوييييييييييي بقى إني قرايبها يعتبروا جران من بعيد شوية بس للأسف شافتني وأنا مروح.
ومن ساعتها على فكرة إسلوب التعامل إتغير تماما آآه إحنى ساعات بنقابل بعض بس إيييه بقى تنفيض ومعاملة من المناخير.
هيا عموما أم لولد وبنت دلوقتي ربنا يوفقها في حياتها ويوفق الجميع بإذن الله.
وأنا الحمد لله والشكر لله
لسة محتفظ بحريتي لهذه اللحظة