رد: أرجو المساعدة "نوع البوجيهات" "مشكلة تبطيل العربية"
البوجيهات الأربعة شمعة لو مظبوطة على 0.4 بالفيلر هتبقى تمام اوى
عمر ما البوجيهات يادكتور ما تزود إستهلاك البنزين غير فى حالتين :
انها سن قصير علشان بتأخر الكهرباء شوية عن المعتاد وبالتالى جزء من الوقود بيطلع نىء
تكون ملوثة او عمرها خلاص وبالتالى برضو تعلى الإستهلاك ،،،،،،، لكن
معظم ثقافات الأجانب دلوقتى انه يزود الشرارة جوا غرفة الحريق علشان تحرق المخلووووط كله للآخر
وبالتالى يقلل الإستهلاك وعمر أطول للموتور
مهو لما المخلوط مايتحرقش كويس بتراكم طبقات الكربون على غرف الحريق
ومع الوقت الموتور يفوت
لزلك لو لقيت عندك فى الإمارات بوجيهات 6 شمعة بلاتين
وحالة موتورك كويسة هاتهم ونتا مطمئن
لأن كده كده كمية البنزين اللى داخلة واحدة والبوجيهات ملهاش دعوة بزيادة الإستهلاك غير
تأثيرها المباشر على الإستهلاك لو ضعيفة او متهالكة
لكن لو مظبوطة تمام هتقلل الإستهلاك
التعديل الأخير تم بواسطة Hisham.Elgazzar ; 12-08-2012 الساعة 01:44 AM
سبب آخر: فونت كبير
|