المشاركة الأصلية كتبت بواسطة stonecoldmido5
اولا احب اشكر سيادتك , و اعتذر عن التأخير في الرد و حكاية شراء العربية دي تعتبر مغامرة بس محسوبة و يرجع الفضل فيها بكل تأكيد للاخ POINTER .
ثانيا احب اقول لحضرتك ان دلوقتي بتنزل 3 موديلات منها بس (سألت في التوكيل) :
الفئة - داستر ( روماني التقفيل )
نمط السيارة - دفع رباعى
صندوق التروس - مانيوال
سعة المحرك - 1600 سى سى
قوة المحرك - 105 حصان طول / عرض / ارتفاع - 4315 / 1822 / 1690
اطارات السيارة - 215/65R16
اسعار موديلات رينو داستر 2012
- رينو داستر 2012 مانيوال 4×2 جميع الكماليات
128.000 جنيه مصرى
( ينقصها التصفيح من اسفل )
- رينو داستر 2012 مانيوال4×4 126.000 جنيه مصرى
( ينقصها الزجاج الخلفي يدوي , غير مصفحة من اسفل, الاطار الاحتياطي اسفل السيارة )
- رينو داستر 2012 مانيوال 4×4 جميع الكماليات
135.000 جنيه مصرى
كماليات رينو داستر 2012
تصفيح حديدي أسفل السيارة - زجاج مظلل عازل للحرارة - الإكصدام الأمامي مطلي بلون رمادي - عواكس خلفية - عتب جانبي اسود - قضبان للتحميل على السقف بلون اسود - نظام ايموبيليزر للحماية ضد السطو و السرقة - أقفال خاصة للأطفال في الخلف - أحزمة أمان أمامية ذات نقاط تثبيت ثلاثية - أحزمة أمان خلفية ذات نقاط تثبيت ثلاثية - مصابيح انعطاف على الرفارف الأمامية بلون أبيض - مساحة للزجاج الخلفي - نظام تدفئة للزجاج الخلفي - باور ستيرينج - امكانية تعديل ارتفاع عجلة القيادة - عدد 4 زجاج أمامي كهربائي - إمكانية طي ظهر المقاعد الخلفية - مقعد السائق يمكن تعديل ارتفاعه يدوياً - جيوب للتخزين خلف المقاعد الأمامية - تكييف هواءة - الإطار الإحتياطي مثبت داخل صندوق الأمتعة - عتب جانبي مطعم بالكروم - مرايات كهرباء .
ثالثا : انا جربت التيجو 1600 بس مينفعش طبعا تتقارن بالرينو الداستر .
و اللة باختصار الرينو داستر احسن عربية ركبتها في حياتي ( من غيرمجاملة و ربنا شاهد علي كلامي) انا جربت سواقتها ع 160 كم كانت ثابتة لاقصي مدي بعكس طبعا التيجو بتتمرجح علي 130 كم
و اكبر عيوب التيجو 1600من وجهة نظري سحبها ضعيف جدا جدا و خصوصا لو حضرتك محمل اما بالنسبة للداستر حضرتك محمل او مش محمل العربية سحبها واحد فوق الممتاز و خصوصا بعد التالت لدرجة ان انا مش مصدق انها 1600 و كفاية انها حضرتك ممكن تطلع ع الغيار التاني ع طول .
وطبعا لو ميزانية حضرتك متسمحش للداستر فاكيد التيجو هتبقي معقولة جدا بالنسبة لتمنها بس اوعي سيادتك تجيبها 4×4 اوتوماتيك لان انا بسمع ان فيها عيوب كتير .
رابعا : مفيش منها 7 راكب
خامسا : بالنسبة لقطع الغيار بصراحة معنديش اي فكرة عن الاسعار بس ناوي اتعامل مع الوكيل و بسمع ان معاملتهم محترمة جدا و خصوصا العربية تستاهل اما معظم مراكز صيانة الاسبيرانزا حرامية بصراحة .
و اي استفسار انا ف انتظار سيادتك و اعتذر لحضرتك ع التأخير .
|
الف مليون مبروك علي السيارة (معلش متاخرة شوية) اسال الله العظيم رب العرش الكريم ان يكفيك شرها ويعطيك خيرها ويباركلك فيها ويحفظك ويحفظها - جزاك الله خيرا علي افادتك القيمة للاعضاء واكثر الله من امثالك