اني كنت حاجز العربية (BYD F3 Automatic) في معرض الأهرام بتاريخ 14-01-2011 و كان الاستلام المفروض بعد 15-03-2011 ،
الف مبروك مقدما على العربيه ... ربنا يديك خيرها ويكفيك شرها
3- أنا جايب العربية بالتقسيط الإسلامي مع بنك أبو ظبي و دة معناه إن العربية لازم تكون واقفة في المعرض عشان باقي اجراءت البنك تتم عشان البنك بيعاين العربية و يشتريها و بعد كدا يبعهالي
عن موضوع معاينه البنك للعربية دا حقيقى ولكن موضوع البنك الاسلامى دا كله كلام فارغ وعلى فكرة انا كنت واخد عربيتى تبع البنك الوطنى للتنميه اللى هو تابع لبنك او ظبى والاتنين بيقال ان تعاملهم اسلامى
4-الغريب إن أستاذ خالد كان بيقولي أنا مش هقدر أطلع العربية من المصنع غير لما البنك يخلص اجراءته
الموضوع مالوش دعوه بالمصنع ولا حاجه
اولا هو مابيجيبش العربيه من المصنع ... هى لو مش عنده بيجيبها من تاجر زميله وبياخد فيها نسبه لان طبعا زميله بيديهالوا بفرق عن اى حد تانى
والمفروض انه يبدأ يجيبلك العربية مادام جاتلك الموافقه من البنك وانت دفعت المقدم فى المعرض وكمان دفعت فلوس التامين وطلعتلك الوثيقه
السؤال الأول : هو ليه المعرض يتدخل في طريقة الدفع، هو مش ليه إن الفلوس تجيله سواء أنا هدفع كاش أو هقسط مع بنك؟؟
زى ما قلتلك اول مابيجيله الموافقه من البنك اللى هى اصلا طالعه من البنك المركزى وانت بتدفع المقدم وفلوس التامين هو بيجيبها واول ما بتستلم العربية وترخص بياخد الرخصه وبيوديها البنك ياخد فلوسه تانى يوم
السؤال التاني : إن للأسف الأستاذ خالد حاجة من الاتنين يا إما مايعرفش نظام التقسيط الإسلامي و دة في حد ذاته كارثة لأنه المفروض مدير معرض و أكيد جاله ناس قبل كدا بنفس الحالة بتاعتي أو هو بيماطل و بيتحجج بالبنك لأن العربية مجتلوش أصلاً وهو فعلاً دة اللي حصل لما هداني تفكيري اني اختبره إختبار بسيط و أقوله أنا هدفع كاش و مش هقسط تبع بنك و ياريت تقولي هستلم العربية امتى ، لقيته بيقولي بمنتهى البرود و الإستخفاف إن مفيش عربيات هتتسلم قبل شم النسيم يعني الإستلام هيكون على التلات أو الأربع اللي جاي
الموضوع مالوش دعوه بالنسباله لتقسيط اسلامى او غيره ... دى انظمه تابعه للبنوك وهو فى الهيه اسلامى او يهودى حتى هو بياخد فلوسه وخلاص
وعلى فكره انت ممكن تهدد بسحب المقدم وانهاء التعاق نهائيا فى حالة المماطله مادام لسه ماستلمتش العربيه
٥-لما كنت عند أستاذ خالد و بالمصادفة بساله على التأمين، لقيته بيقولي حاجة غريبة جداً و هي اني لازم أأمن تبعهم (هما بيأمنوه مع مصر للتأمين ) و دة أنا إستغربتله جداً لأن قرار التأمين في الأول و في الأخر بيرجع للممول و هو البنك في حالتي يعني هو ملوش إنه يجبرني على شركة تأمين معينة و دة معناه إن لو فيه حد مش فاهم هيوافق على الموضوع مضطر و أكيد النسبة بتاعة التأمين هتكون عالية عشان أنا لما قلتله أنا هامن تبع قناة السويس بنسبة 3.5 سكت و قلي ok ذي ماتحب
ولاحتى البنك المفروض ان يشرط عليك شركة التأمين
هو كل اللى يهم البنك انه يتامن على العربية فى شركه حسنه السمعه
وعلى فكرة قناة السويس مش عدله قوى
بس ربنا يحفظهالك وماتحتاجهمش