كل شىء عن ميجان 1 (2000 – 2003 )
السلام عليكم ورحمة الله وبركاتة
انا احمد عضو جديد فى المنتدى ودى هتكون اول مشاركة ليا بس هحتاج منكم شوية تشجيع انا اشترت امبارح ميجان 1 موديل 2003 وقبل ما اشتريها بحثت عن حاجات كتير داخل المنتدى وفى منتديات اخرى بس بصراحة المنتدى بتاعكم جامد ومتخصص بس انا ليا ملحوظة صغيرة ان كل الموضوعات او اغلبها خاص بالميجان 2 ودا بسبب انتشارها عن ميجان 1
وانا حابب ان الموضوع دا يكون بداية لدليل شامل به كل ما يخص ميجان 1 من قطع غيار واسعاها وافضل الميكانيكية وايضا تجارب السادة الاعضاء مع السيارة وايضا كل المشاكل التى تقابل الاعضاء وطرح الحلول من اهل الخبرة والتجارب الشخصية حتى تعم الفائدة على الجميع
وخيركم من تعلم العلم وعلمه
وبداية انا لا اعرف اى شىء عن السيارات بخلاف القيادة .
اول حاجة عرفتها عن ميجان 2003 هى بعض اسعار قطع الغيار وهى :
الوكيل / قطع غيار اتحاد اوروبى حسب ما قيل لى انا مش خبير
فلتر هواء 105 / 40
فلتر زيت 42 / 33
فلتر بنزين 76 / 45
سير كتينة وبلية 600 / 185
سير دينامو وبلية 660 / 145
تيل فرامل امامى 405/ 130 اسبانى
طقم بوجيهات 120 / 100
وشكرا
|