[فادى]

الموضوع ده يتكرر فى عدة اماكن مثل دودة الكمبيوتر,
و للأسف فيه الكثير من المغالطات و المبالغات و هو غير صحيح تماما,
كما أن كاتبه من الواضح أنه يفتقد للمصداقية و الحس الوطنى.
معظم الكلام غير صحيح على الاطلاق.
انا مش بتكلم من فراغ, لكن الشاهين معايا من 2006 لحد النهاردة و عملت بيها 90 الف كيلومتر لحد دلوقتى.
و هرد نقطة نقطة عشان نقفل ××× ده خالص.

1- انا بطبيعتى ضخم حيث يبلغ وزنى 95 كغ, و رغم ذلك ادخل و اخرج من السيارة بسهولة, و اجلس بداخلها بكل راحة, هى ليست واسعة بالنسبة لفئتها ده صحيح و مفهوم عشان الدفع الخلفى, لكنها ايضا ليست ضيقة.
و لم "أحتك" و لم يحتك احد من الركاب يوما بجنبات السيارة, لكن يبدو ان كاتب الموضوع من النوع الذى يحب "الاحتكاكات", يبقى العيب مش فى السيارة!
2- الكراسى الامامية جيدة و من السهل تعديل وضعيتها.
,4 3- انا من النوع الذى اهوى مراقبة لوحة القيادة ليلا و نهارا, بمعدل مرة كل دقيقتين, و رغم ذلك فان رقبتى لسه متلوحتش, و لا اضع نظارة طبية, مما يبطل النقطتين 3 و 4.
5- النقطة دى تبين انو الكاتب لم يركب الشاهين اساسا!! فى الشاهين القديمة و لحد 2003 كانت الازرار الكهربائية موضوعة فى الناحية الشمال ده صحيح لكن الوصول اليها كان سهلا للغاية, و من بعد 2003 اصبحت موضوعة كلها فى منتصف التابلوه و زر الانتظار اصبح كبيرا و ظاهرا.
6- متفق معاك لو هنقارنها بسيارة سعرها 200 الف, لكن بالنسبة لسعرها المواد فخمة جدا, قارن مع الفيرنا و اللانوس.
7- الكاسيت جيد جدا من الهيئة العربية للتصنيع, و صوته أكثر من رائع, عيبه فقط انه كاسيت لا يحتوى على سى دى.
8- احاول الالتزام بقوانين المرور, لكننى لم اصاب بعد بانحناء الظهر.
9- غلط تماما.
راجع الموضوع ده :
http://www.masrmotors.com/vb/showthread.php?t=3807
10- انا وصلت ل180 و خدت طريق دهب-القاهرة على 140-160.
11- بعد 90 الف كم مسمعتش اى اصوات.
12- عند اغلاق الزجاج و تشغيل مكيف الهواء, لا اسمع سوى صوت المحرك المتجاوب و الممتع, و الحرارة تكون جيدة و المكيف يعمل بكفاءة.
13- كل ده بمجرد فتح الزجاج؟ زوابع و عواصف! ممكن.
14- خلال 90 الف جنيه ظبطت الزوايا مرتين فقط, و ربطت العفشة مرة واحدة, و مضبطش المحرك و لا مرة, و الاداء لم يختلف ابدا.
15- دورة التبريد تعمل بكفاءة, و المروحة لا تعمل الا فى حالات الزحام و ده طبيعى فى اى سيارة, كل المشاكل التى حدثت عندى هو تسريب بسيط فى احدى الخراطيم لم ينتج عنه اى سخونة, و تسريب بمعدل بسيط فى الرادياتير و تم اصلاحهم.
16- مغيرتش المساعدين لحد الان.
17- الابواب كلها تستجيب بشكل جيد, فيما عدا الباب اليمين لأنه واخد خبطة.
18- حدثنى عن التكنولوجيا المتقدمة فى الفيرنا و اللانوس, واضح ان الكاتب لا يعرف ان الفيرنا هى محرك اللانسر القديم, و اللانوس هى محرك اوبل قديم, و أن محرك التمبرا الموضوع بالشاهين أكثر كفاءة و حداثة من غيرها, فهو يتنمى الى الجيل السابق من المحركات لدى فيات.
بالنسبة لموضوع ادارة السيارة فأنا امتلكها منذ 2006, و بقالها اربع سنين الا كام يوم,
4*365= 1460 يوم,
اديرها فى اليوم بمعدل من 3-4 مرات, و مرتين فى ايام الاجازات.
هنقول بمتوسط 3 مرات ادارة فى اليوم,
يبقى 1460*3=4380 مرة.
4380 محاولة ادارة, نسبة الفشل 0%.
لم يحدث و لا مرة و فشلت فى ادارة السيارة.
و بذلك اصبحت ثقتى فيها لا حدود, مادام قد وضعت المفتاح و ادرت المحرك, فانه سيدور حتما.
يا ريت حد يقول حاجة عن اعتمادية الفيرنا و اللانوس و الاسبيرانزا اللى بيجيبوا اسطوانة عند 20 الف و ووش سلندر عند 60 الف و عمرة بعد 100 الف!
19- الشاهين أفضل سيارة فى فئتها لناحية الاعتمادية و القوة و متعة القيادة و العمر الافتراضى, الأخريات يتفوقن فى الراحة و الهدوء فقط و الشكل المعاصر, و لو اننى احب شكل الشاهين أكثر.

فى النهاية تحية للشاهين فخر الصناعة المصرية.
انها حقا سيارة الرجال.