قفلت عداد العربية .. ياريت تجاوب علي الأسئلة ديه
السلام عليكم ورحمة الله وبركاته
شفت وقرأت كتير في المنتدي أعضاء بيتباروا بتقفيل العداد وبيكونوا مع أصحابهم في العربية ، وشاركت بالأسئلة ديه في أحد مشاركات الأعضاء، فكان ليه كام سؤال وأرجوا الإجابة عليهم بكل أمانة ووضوح :
1 - ممكن أعرف حضرتك قفلت العداد ليه ؟
2 - حضرتك كنت بتتحدي مين - نفسك ولا العربية ؟
3 - عمرك يساوي كام لو زلطه صغيره قابلتك وعديت عليها بالعربية ؟
4 - هل إنت للدرجة ديه ضامن العربيه ؟
5 - ياتري عمر أصحابك مهمكش وحضرتك سايق ؟
6 - ياتري فكرت في والدك ووالدتك وإنت سايق ؟
7 - ياتري فكرت لو لاقدر الله وحصل حاجة حتقدر تتحمل النتايج وتبعياتها ؟
8 - ياتري لو كنت ماشي وشفت واحد معدي بالسرعة ديه حتقول عليه إيه ؟
أخواني الفضلاء أكرر أسفي لمثل هذه الأسئلة ولكني أرجوا الإجابة عليها ، وتذكروا قول الرسول صلي الله عليه وسلم ( ولا تلقوا بأيديكم إلي التهلكه ) صدق رسول الله صلي الله عليه وسلم .
تقبل مروري
د / خالد
__________________
د / خالد طلب
التعديل الأخير تم بواسطة TELEBK ; 11-02-2012 الساعة 11:38 PM
|