السلام عليكم ورحمة الله وبركاته
اصدقائى الكرام أنا لسه مشترى عربيه 128 فيات لزوم التعليم وهو موديل 72 حالتها جيده
اول حاجه عملتها فى العربية غيرت تيل فرامل امامى وخلفى بواحد ايطالى + شداد فرامل اليد + 2 بلية للعجل الأمامى + ظبط زاويا وترصيص + لحامات ومعالجة شروخ الحوض + ظبط عصاية الفتيس عشان فيها بوش + ظبط كهرباء العربيه وتركيب ترمستات للمروحه وعوامة للبنزين وأضائة الصالون ولمض الطابلوه + تغير جلد الكبالن
ياترى إيه المطلوب فيها تانى علما بـنى لاحظت الأتى :
1 - المساعدين الامامى والخلفى ناشفين
2 - تنقيط زيت فتيس وزيت ماتور يعنى الماتور بيندع زيت كله
3 - الغيار الثانى بيخلى العربيه تترج وصوته عالى جدا وممكن العربيه تقف عكس الأول ممتاز والثالث والرابع صوت الماتور عادى جدا
4 - الكراسى الأمامى مش مسبتين كويس الكرسى الرئيسى مبيرجعش لوري
علما بأننى اشتريت العربية ب 8 الاف قسط على 3 مراحل أولها 4 الاف والباقى على 6 شهور
تاريخ الشراء 9/28 اللى فات ياعنى بقالها شهر