المشاركة الأصلية كتبت بواسطة aamke
السلام عليكم و رحمة الله و بركاته ، عندي استفسار لعلي اجد له حل عند ا/ فريد الفريد
معي بيجو 405 م 2003 ، من فترة كان عندي مشكلة تنتيش مستمر اثنا السير فذهبت لميكانيكي بيجو فقط فقال ان العيب في الكربراتير و عايز يتغير ، و ان عنده كربراترات استيراد ، فركب لي قاعدة كربراتير من عنده و اخذ من عندي شوية حجات من الكربراتير بتاعي ، المهم من ساعتها و السيارة تعمل الاتي :
1- كلما اضغط على دواسة البنزين زيادة لاتخطى سيارة اخرى اجد سيارتي تتخنق و لا تزيد سرعتها ايا كان الغيار بل العكس تبدا تتباطئ حتى اخفف رجلي ثم اضغط ببطئ لتبدا التسارع ، فهل المشكلة في الكربراتير كله ام في بك السرعة مسدود بسبب بنزين 80 .
2- لاحظت ان السيارة بتاكل بنزين بشراهة غير طبيعية بخلاف الكربراتير بتاعي ، فلما ذهبت قال جربها عدة مرات و هتزبط نفسها .
ارجو نصحي هل العيب في الكربراتير اللي ركبه الميكانيكي ام في بك السرعة بسبب البنزين 80 فقط ، اشكرك جزيلا على حسن صنيعك
|
الاستاذ الفاضل ال حصل عندك ده معناه ان الكربراتير تم تركيب بكات اقل من اللازم
كتير من الفنيين بيفكر انه لما يركب بكات اقل رقما وقياسا ان ده ها يوفر بنزين طبعا ده مش صح بل على العكس تماما لان لتركيب بكات اقل هناك ليمت معين بعدها المحرك يتخنق ويؤدى ده لاستهلاك بنزين اكتر
كده الكربراتير محتاج مراجعة بكات الخاصة بالباب السريع والبطئ ومراجعة رشاش البادى ف الدوارة والمفاجئ
تحياتى
وأرجو ان أكون قد افدتك