اولا ادعوا لك بالشفاء والعافيه ان شاء الله
ثانيا اشكرك جدا على موضوعك المميز بكل تفاصيلة وشرحه الوافى
وان شاء الله فى ميزان حسناتك
بالنسبة لعدم نقل الموضوع كويسة جدا فكرة انك تحط سطر التنبيه من وقت للتانى حاول تكتر منه شوية يعنى كل 5 سطور مثلا(ده لو مش عايز حد ينقل الموضوع بدون اذن)
واسمح لى اعرض عليك طريقة يمكن تكون كويسة وتلاقى استحسانك
فى المواضيح اللى فيها شرح مطول بالشكل ده يفضل كتابتة فى ملف وورد اولا(واكتب على كذا مره كل ماتلاقى وقت يسمح .... اكتب) ومش شرط تنزل الموضوع كله مره واحده
الغرض من الكتابة على الوورد (زى المسوده كده) وفيه امكانيات كتير
رتب موضوعك واستخدم الادوات اللى تساعدك على كده رقم بعد كل فقرة او ملحوظة ايه اللى هاتنزلة النهاردة وايه بكره (وسطر التنبية بعدم النقل بدون اذن ) مهم جدا انه يتحط بين السطور زى ما حضرتك عملت كده عشان مجهودك (هيبقى حاجه زى العلامة المائية كده) واللى هاياخده COPY هايزهق لان الموضوع متجزأ وصعب ياخده ويفرمته من الاول
ولو حد عايز ينقل يبعتلك تديله COPY من ملف الوورد اللى بدون سطر التنبيه
معلش طولت عليك بس لانى حاسس بتعبك ومجهودك عرضت عليك فكره يمكن تريحك وترتب افكارك وفى نفس لوقت تحفظ حق
اسف على الاطاله وشكرا على الموضوع المتميز
