رد: مفاجأة - سيفيك 2006
على كلام صاحبك ديه كسر زيرو وسعرها كمان تحفه الكلام ده لو صح تبقى فعلاً لقطة
موضوع علو العربيه وقطع الغيار واعادة البيع ده نسبى
يعنى هل انت غالباً بتركب ناس كتير فى العربيه او بتحمل حاجات كتير طول الوقت
شغاله تاكسى عائلى يعنى ولا عادى لو عادى العلو مش هيبقى قضيه بالعكس هيبقى ميزة فى الثبات
قطع الغيار برضو متوقفه على طبيعة استخدامك لو استخدامك معتدل العربيه اعتماديه ومعمرة ومش هتحتاج قطع غيار كل يوم ولا كل شهر يعنى ولما تحتاج قطعة هيبقى تمنها فيها
اما لو هتجيب العربيه تخش سباق التصادم مع الميكروباصات طول اليوم يبقى اى عربيه يابانى او اوروبى هتتعبك فى تكاليف صيانتها وقطع غيارها وخليك فى الكورى الاقتصادى افضل
اعادة البيع مش صعبه للدرجة دى بالعكس العربيه ليها الناس اللى بتقدرها بالعكس ممكن كمان تكسب فيها لانك مش شاريها زيرو وخاصة لو حافظت عليها بحالة كويسة
استخير وتوكل على الله بعد الكشف عليها طبعاً
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|