المشاركة الأصلية كتبت بواسطة خالد دبي

بص انا عندي اقتراح احنا لازم نعمل ركن في المنتدى يجيب طرائف التوكيلات من اسعار ومساويء عشان الغلابا اللي بيشتروا العربيات دي ياباشا كنت قاعد في امان الله في المكتب وشفت مواضيع عن الاسبرانزا والبريليانس وبطخينيوس وغيرها من الخرده الصينيه ولقيت نفسي بسب ميت ربع بص عندنا في دبي هنا في محل اسمه غرائب وعجاب طرسام بيبيع حاجات غريبه اهو انا شفت ده في تقييمات العربيات دي البريليانس خدت صفر في اختبارات الامان والتصادم الاوروبيه حتى المحرك متقادم ومينفعش يمشي في الشوارع ياللهول يعني امال هيعمل ايه عننا في مصر هيطلع من جنب العربيه طبعا ولا الاسبرنزا بتغاظ لما انزل مصر اشوفها ماشيه واللي يقولي ثبات هقوله ارجوك بطل اللي بتشربه لان الشاسيه بتاعها لما عملوا عليه اختبار بره لقوه هو ومحاور العجل ظايعين واسالو ابو الفتوح وياسلام سلم ع الخامات ممكن تكسر بلدركسيون جامد تلاقي هو والعجل والاكسات بتاعتهم طلعوا فايدك عاااااااادي شوف هو عامه الكوري كويس لكن بخلاف الكيا اسعارهم وهميه والله ياعم ال اكس 35 دي اللي في مصر ركبتها هنا 6 سلندر مع صاحبي برضه قفا لقيت نفسي طالع ببص للجيب رانجلر اللي عندي كده نظره كلها فخر وعاوز ابوس رجلها ااا عجلها سوري العربيه بديها بنزين تقولي عاوز تجيب كام ياباشا ولما بخش بيها صحرا وحش جرار والله والله مطلعين بيها برادو من التغريز وصاحبي المواطن قالي انت اهبل عاوز تطلع البرادو بالجيب ازاي وطلعت ولاندكروزر ولا عرف يطلع البرادو وده كلام انا مسئول عنه وفي شهود كمان ياجماعه حرام احنا بيتضحك علينا في مصر انا حاسس ان قفايا طول والله عاوزين نعمل ركن نذكر فيه سلبيات وعيوب كل الموتسيكلات دي سوري العربيات الكلمه مش راضيه تطلع مني المنتدي ده بجد منتى جامد واحنا عاوزين نكون عيون واذان المستهلك ونقف بجد للناس دي وارجو من اي واحد عنده سلبيات لاي وكيل او اي عربيه يقولها حتى لو كانت عربيته من نفس الماركه عادي مككلنا في الهوا سوا

المشاركة الأصلية كتبت بواسطة المناور

خلى بتوع توب جير يدوقوا من السم اللى بيدوقوه لكل ماركات العربيات بلا استثناء ، والله فرحت فيهم وعجبنى قوى الجدى اللى كان بيقلد جيرمى

المشاركة الأصلية كتبت بواسطة SuccessCre8or

بصراحة ... رد حلو اوي من هيونداي
شكراً