[ansa3a]

انا اسف جدا فى التأخير فى الرد



انا صاحب المشكلة

عملت بعض الصيانة غيرت البوجيهات مرتين وغيرت فلتر الهواء اكثر من مره واستعملت منظف الرششات مع البنزين كتييييييير وكل مهندس يقول سبب شكل حتى ان احدهم قال المقولة الشهيرة ان حجم قوة الموتور صغير على حجم العربية حتى انى وصلت لتغيير الدسك والأسطوانة ولكنى تراجعت فى آخر لحظة .. وغيرت فلتر البنزين مرتين ..

وفى النهاية اكتشفت ان المشكلة فى البنزين ( للأسف البنزين مغشوش ) وده اكتشفته لما اقمت فترة فى الساحل الشمالى واستعملت البنزين هناك ( فى محافظة مطروح اصحاب المحطات عندهم ضمير ومش بيغشوا البنزين وده اللى اكتشفته )

العربية لوحدها بعد فترة اتحسن اداء الموتور لوحده واطمنكم الكارينز عملت معايا دلوقتى 67 ألف كيلو والموتور زى الفل ورجع اداءة رائع

المشكلة يا كرام فى غش البنزين منهم لله ... عاوزين الرقابه على محطات البنزين ترجع تانى

الحمد لله اللى عندو نفس المشكلة يغير محطة البنزين بعد مايعمل صيانه طبعا لفلتر البنزين ..

او ييجى يعيش معايا فى مطروح