رد: هل يستطيع احد حصر المناطق التي يمر بها الدائري ؟
google earth
google maps
هيفيدوك جدا وهتلاقي الطريق متعلم وباين
الطريق الدائري لافف حوالين القاهرة الكبري
المناطق: نبتدي من الجيزة (المريوطية) باتجاه القاهرة ، يعني من تحت في الشمال وهنمشي يمين في التجاه دة لحد ما نرجع تاني للمكان اللي ابتدينا منو
المريوطية - ترسا - بعدين الجيزة نفسها (الجيزة القديمة) اللي هي المنيب وساقية مكي والبحر الأعظم ومنطقة رابعة - بعدين هتعدي النيل ، انت كدة في القاهرة - هيكون مصر القديمة علي شمالك ودار السلام علي يمينك - البساتين علي اليمين وعلي الشمال منطقة صناعية - المعادي الجديدة - زهراء المعادي - القطامية علي اليمين وصحرا علي الشمال (بعد الصحرا مدينة نصر) - التجمع الثالث علي اليمين - التجمع الخامس علي اليمين - التجمع الاول علي اليمين والحي العاشر (مدينة نصر) علي الشمال - الرحاب علي اليمين - صحرا علي اليمين والمطار علي الشمال - الحرفيين وجسر السويس علي الشمال ومدينة السلام علي اليمين - كفر ابو صير علي الشمال ، كدة انت في القليوبية - عزبة الجزيرة - عزبة علام والمرج علي الشمال والقلج علي اليمين - الخصوص وعزبة النخل علي الشمال - مسطرد علي الشمال وقري وزراعات القليوبية علي اليمين - بهتيم علي الشمال - بيجام علي الشمال - ميت نما علي الشمال وميت حلفا علي اليمين - بسوس - تعدي النيل ، كدة رجعنا الجيزة تاني - طناش - جزيرة محمد - وراق العرب - كفر الهنادوة - بشتيل علي اليمين وامبابة علي الشمال - البراجيل - المعتمدية - زنين - صفط اللبن - منشية البكاري علي اليمين وعلي الشمال الطوابق وفيصل - فيصل والهرم علي اليمين والشمال - المريوطية تاني (نقطة البداية)
دة عموما ، لو عايز بقي التفاصيل بالظبط والنزلات والطلعات بتاعة الدائري جوجل ايرث هيوضحلك اكتر
|