المشاركة الأصلية كتبت بواسطة ابوشروق
السلام عليكم ورحمة الله وبركاته
الاستاذ الفاضل
شكرا على ثقتك الغالية
بخصوص السخان يجب تغير كاوتشة رداخ المياه
بأخرى تكون خامتها كويسه ومرنه وسعرها تقريبا 5 جنيهات
وهذا العيب بسبب تمدد كاوتشة الرداخ عن حجمها الطبيعى وبدورها تؤثر على أستجابة السخان لتشغيل مع فتح المياه
بخصوص السؤال الثانى ليه أستفسار هل مواسير الصرف الصحى من الزهر او البلاستك pvc
أرجو من سيادتك تقبل تحياتى ومتابع مع حضرتك
أخوك أيمن أبو شروق
01005314147
01287710555
|
الحمد لله امباراح حليت مشكله السخان مع خلاط المطبخ
المشكله طلعت حاجه بسيطه بس ما كنتش فى دماغى خالص
لما لقيت الميه قليله فى خلاط المطبخ حتى بعد فتح الحنفيه السخن و الساقع على اخرها
قولت اكيد فى سدد فى الخلاط نفسه
فكيت الفلتر اللى فى اخر القنطره لقيت مليان حصى و تراب و طين (الله يكون فى عون كليه المصريين اللى بيخش فيها كل البلاوى دى و حسبى الله و نعم الوكيل )
دلوقتى السخان شغال زى الفل مع خلاط المطبخ
بالنسبه للصرف فصرف العماره قديم من المواسير الزهر
انا عارف ان تغيير الصرف و عمل صرف خارجى منفصل من البلاستيك هو الحل الجذرى لانهاء المشكله
بس انا مش حمل مصاريف دلوقتى و دى شغلانه طويله عريضه و فيها تكسير فى حوائط الحمام و ارضياته
ياريت لو فيه حل مؤقت يخلينى اسللك الماسوره و ارتاح من الاصوات العجبيه اللى بسمعها منها
و شكرا على الرد