رد: بيجو 504.... سيارة تحترم نفسها فاحترمها الناس
هي من ضمن مشاكل العربية ديه ان الوش الامامي بتاعها ضعيف يعني لو خبطه صغيرة بتوقع الرفرفين والشنب اللي قدام وبتعمل بارومه في المكان بتاع المساحات عشان بيجمع مياه والكرتيرات بتاعتها ضعيفه لكن في سمكرية بترجع العربية ديه زي الاول (فبريكة) وكمان ماتور العربية ديه 1850 سي سي بس عزمه شديد وكمان العربية ديه دونا عن اي عربية تانية عالية من قدام وواطية من ورا فلما بتجري الهوا بيرفعها وزنا يقل بس للاسف قطع غيارها غالية واصبحت قليلة في مصر علي الرغم من انها تنتج في جنوب افريقيا حتي الان وانا سمعت ان وجيه اباظه عنده واحده موديل 80 ما مشيتش علي الارض لسه فبريكه معملتش ولا كيلو وفي مرة سالوا وجيه اباظه عن العربية ديه لو بيجو فكرة انتاجها تاني بنفس الكفاءة ولكن بتطوير في الشكل زي ما حصل في البيتل (فولكس فاجن) قال تنزل السوق بما لا يقل عن 250 ألف جنيه مصري كحد أدنى
بجد العربية ديه انا بعترف بقوتها لأني في مرة كان الماتور مفوت والعربية بتدخن ازرق والزيت والمياه والبنزين بقو نسايب (مع بعض مافيش فرق بينهم) وطلعت مطلع كنت متأكد بنسبة 100% ان العربية مستحيل تطلعه بجد عربية جامدة وكمان مغرية في الجري لو حالتها كويسه تخلي اللي راكبها يجيب اخره مع العربية
__________________
إن الملوك بلاء حيثمـا حلـوا فلا يكن لك في أبوابهـم ظـل ماذا تؤمل من قوم ٍ إذا غضبوا جاروا عليك وإن أرضيتهم ملوا فاستغن بالله عن أبوابهم كرمـاً إن الوقوف علـى أبوابهـم ذل مصرى وأفتخر وبحبك يا مصر
|