المشاركة الأصلية كتبت بواسطة احمد على 1999
لفتت نظرى المعلومة ديى
حتى عربيات النقل عجلها كتير
و جرارات السطح لنقل الاوزان الثقيلة جدا عجلها اكتر
لو طيارة زيى ديى عجلها اقل .......... حتخرم الارض  ....... لان ضغط العجل على الارض = وزن الطيارة مقسوم على مساحة سطح العجل الملامس للارض
فلازم ازود مساحة سطح التلامس ( انى اكتر العجل ) عشان اقلل الضغط على الارض
و كلنا بنشوف النقل التقيل بيعمل ايه فى الاسفلت
الموضوع شيق جدا يا باشمهندس احمد يا كبير هندسة الطيران فى مصر
انا كل شوية بزيد معلومات |
يا فندم ربنا يباركلك ... معلوماتى قليلة فى هذا الموضوع و بحاول افتكر الى مضى ...
كلام حضرتك صحيح بس ليه تفسير زيادة فى السلامة .... الاطارات معرضة للانفجار وقت الهبوط .. لو اطار من المجموعة دى انفجرت او اتقطعت ... ميكونش الحمل الى شيلاه كبير ... و تستطيع بقية الاطارات تحمل فقدانها
و يتم الكشف على الاطارات بواسطة النظر ... و عند مشاهدة شرخ فى الاطار ... يتم قياس طوله و عمقه و الابلاغ عنه و تغيير الاطار اذا لزم الامر
و من الحواديت المشهورة المتداولة داخل مصر للطيران .... قيام احد مهندسى الصيانة اليومية بملاحظة شرخ فى احد الاطارات .. فقام برفع الاطار و لفه 180 درجة حتى يداريه .. فاكتشف شرخ اخر اكبر منه ... و ده معناه ان فيه مهندس غيره عمل الموضوع ده قبله
و للعجل قصة كبيرة جدا
مجموعة العجل تحتوى على التالى .....
مجموعة رفع و انزال المجموعة من باطن الطائرة ... مع عمل لوك لها
مجموعة الفرامل ... و دى قصة ظريفة جدا
عمود ( اسطوانة ) ماص الصدمات .. و هو يعمل زى السوستة فى نفس الوقت ... الى هو زى المساعد فى العربية
و بالطبع ... الاطارات الكاوتش
اهمية مجموعة العجل بتظهر عند الهبوط ... لأنها بتتعرض لصدمة هبوط وزن الطائرة على الممر .... و بعد لما الطائرة بتهدى سرعتها خالص بتشتغل مجموعة الفرامل
الدخان الى بيطلع من الاطارات نتيجة ان الاطارات ثابتة مش بتلف ... و الطائرة بتتحرك
معلومة لحضرتك ....
الطائرة عند الاقلاع وزنها بيكون كبير .... و عند الهبوط بيكون اقل كثيرا ... نتيجة استهلاك الوقود .... المشكلة لو الطائرة اقلعت ... و نتيجة اى ظرف طارئ ... احتاجت تنزل تانى على طول
... فيه طائرات زى الجامبو .. مينفعش تنزل على طول .. يا اما تلف شوية فى الجو علشان تحرق بعض الوقود ... او ترمى الوقود فى الجو
علشان ليها وزن مينفعش تنزل باكبر منه و الا مجموعة العجلات ممكن تتكسر
