رد: رابطة ملاك ومحبى السفينه فيات 132
السلام عليكم
ان شاء الله اول مشاركة ليا هنا اتمني تساعدوني لاني معايا 132 وفيها مشاكل كتير اول مشكلة البارومة لان العربية رفعتها فترة سنة كاملة علي البحر لحد ما البارومة بهدلت العربية ابتديت فيها تصليح
1 - عملت عمرة ماكنة كلفتني 4000 جنيه وطبعا اتنصب عليا لان العربية صوتها عالي بتجيب زيت من علي وش الماكنة .
2 - هابتدي ان شاء الله اعمل السمكرة قالي هاتكلفني 1000 هايعملي سمكرة الدوسات والعتب وسدر العربية فقط.
3- الاسطوانة والدسك والبلي يعني طقم دبرياج كامل هايتغير لان روحت لمكانيكي تاني غير الي عمل العمرة قالي مش جداد وعاوزين يتغيره لان العربية 4 مرات قطعت واير الدبرياج وفيه تقل بسيط لا يذكر في غيارات الفتيس .
4- طبعا العفشة رايحة في داهية وهاعملها بعد السكمرة .
5- مغير طقم الفرامل كله ( طنابير امامي - طنابير خلفي - خزن - جهازين - مواسير - ماستر ) ومكلفني حوالي 950 بالمصنعية الخزن 120 ج طنابير امامي وخلفي 500 ج مواسير حوالي 70 ج ماستر 120 ج مصنعية 150 ج .
6- جبت كاربرتير استيراد عامل 350 من بورسعيد .
7- حالة التابلوه سيئة الفرش سيئ .
دي مواصفات العربية 1للعربية وهيا 1600 2كامة
اتمني نصايح منكو اعمل ايه ؟
وياريت اسعار قطع الغيار لاني في جنوب سيناء وبنزل اجيب قطع الغيار من السويس او القاهرة
وخاصة اسعار العفشة لاني محتاج اغيرها كلها وسعر الاسطوانة والديسك وبلي الفتيس
اسف علي الاطالة بس متحمس اني ارجع العربية حلوة زي ما كانت قبل ما تترفع
|