السلام عليكم ورحمة الله وبركاته
حبيت انقلكم تجربتى مع المهندس معتز المصرى للكربوراتير
عندى مشكله فى عربيتى هيا بسيطه بس مجننانى شويه اصل انا عندى هسهس
نتشه صغيره بتبان فى الزحمه والاشارات والسلانسيه
هيا جالنت 85 خليجى
الميكانيكيه اجمعوا انه ظبط كربوراتير
قولت اروح لمهندس معتز من كلام الناس عليه وهو هايفدنى لانى بروح دار السلام يوم الجمعه اساسا
روحت للراجل وقبل اى كلام رحب بيه وجاب شاى وعمل الواجب
حكيتله الحدوته
سمع وقام شال بوجيه ودور القالى الكربوراتير مافيهوش ولاكلمه انا ممكن افك وانظف واخد ال150
وفى الاخر مش هايكون احلى من كدا انا مابقبلش قرش حرام على نفسى
خدنى وساب شغل كان فى ايده وودانى لواحد ميكانيكا جنبه والرجل عطل نفسه
بجد انا قولت اعمل الموضوع ده اشكره فيه
وهو حد محترم اوى وامين جدا وربنا يباركله
ولو حد غيره بصراحه كان اشتغلنى وعمل ونظف وركب وقالى لا ده كده عيب تانى
بصراحه انسان محترم وخدوم من غير مصلحه بالبلدى