رد: انسب اسلوب للتزود و تقليل استهلاك البنزين
كلام جميل ... كلام معقول ... مقدرش أقول حاجة عنه أكتر من ... جزاك الله كل الخير
و لكن للأسف مع أزمات الوقود الغير مسببة, الواحد بيصلى ركعتين قضاء حاجه قبل ميروح البنزينه و يدعى ربنا أنه يلاقى بنزين فى أى بنزينة من الـ 10 بنزينات اللى قريبين من طريقة. و أحياناً كتير بيرجع فاضى.
من وجهة نظرى الشخصية, و التجربة العملية, بعد ضبط العربية عند واحد بيفهم , تحاول متزودش عن 95 كم/س مهما كان الطريق مفتوح, لإن إستهلاك البنزين بيتضاعف بعد 96 كم/س لكل العربيات (مش فاهم أتقاست إزاى بس أثبتت صحتها عالأقل معايا)
حاول متحرقش عالغيارات, و تستخدم المور قر الإمكان, فى منزل كوبرى أو قبل مطب بفترة كافية.
فى مطالع الكبارى حاول تثبت رجلك على دواسة البنزين, مش تدوس زيادة.
و محدش بيوصل قبل معاده
أنا لازلت بأحاول أدرب نفسى على الكلام ده, رغم إنى غير ملتزم بيه أوى.
و ربنا يوفقنا جميعاً و يحفظنا و يسلم طريقنا
__________________
|