[AbOnOrA]

المشاركة الأصلية كتبت بواسطة FAR!D عارف انك عندك خبره في البي ام انا بفضلها كشكل كانها ايقونه من الصغير البي ام ارتبطت معايا بالشكل ده ممكن اعرف منك عيوبها و اسباب فشلها ( غير موضوع البطاحات )

بص يا باشا العيوب فى رائى عموماً موضوع نسبى ممكن انت تقبل بعيب وتتعايش معاه انا مقبلوش ولا اطيقة فانا بقول رائى الشخصى مش بس ملزم لاى حد طبعاً
فى رائى الشخصى هى عربيه قامت على نجاح الموديل اللى قبلها وبس لكن كتصميم مميز لاء انا حتى بشوفها كتصميم خارجى لو شالو الشبكة والعلامة وحطو عليها تويوتا ايكو مش هتقول لاء على عكس اللى قبلها واللى بعدها لو لمحت طرفها من اى حته هتبان بى ام

اللى مش رائى شخصى وحقائق بقى ان عندك اكبر كمية مشاكل فى العفشه فى العربيه ديه وخاصة اول موديل مش الفيس ليفت لدرجة انى مركبتش عربيه واحدة فى الموديل ده عفشتها مظبوطة
اسواء اعادة بيع هتسمع فيها سبعينات وتمانينات وارقام مستفزة الهم الا لو معاك حالة شاذة اوى ولو كدة سعرها بيبقى قرب اوى من ال e39 او ال e90 المانيوال وطبعاً الاتنين يكسبو بالمقارنة بيها
+ اضيق مساحة داخلية وبالاخص من ورا كانك راكب هيونداى اكسيل مثلاً
تابلوها حديث اه مقارنة بجيلها وتصميمة مش بطال بس ضيع السمات الاساسية اللى كان بتميز الموديلات اللى قبل كدة (تابلوه الطيارة) وبرضو فقير فى الغالب اللهم الا اخر موديلات الفيس ليفت

باختصار عربيه رقصت على السلالم وده برضو رائى الشخصى ولو عايز تاخد بنصيحتى وتركب بى ام بجد فى الفئه ديه وبى ام بجد يعنى متعة بجد كاداء وفخامة يبقى عليك وعلى الاخت الاكبر e39 اركب الاتنين وحس بفرق الاداء والثبات وشوف شنطة الاتنين واقعد فى الاتنين (ورا وقدام ) واسال على سعر الاتنين وبيعهم فى السوق وخد القرار بنفسك بعدكدة وهتدعيلى

وعلى رائى المثل ان عشقت اعشق قمر وان ركبت اركب e39