عاجل جدا بخصوص تقسيط سيارة زيرو
السلام عليكم جميعا
أنا الحقيقة متوفر معايا مبلغ 25000 جنية وكنت عايز اجيب بيهم عربية مستعملة لأنى لسة جديد
بس لقيت أن أى عربية مستعملة فى الحدود دى هتكون حالتها تعبانة جدا وهصرف عليها كتير صيانة كل شوية ففكرت أجيب زيرو من البنك الاهلى ولقيت أقل عربية زيرو فى مصر ومش صينى ( عشان طبعا الصينى ما يتضمنش ) هى السوزوكى ماروتى وثمنها 46000 جنية ففكرت أنى اعمل وديعة فى البنك الاهلى من خلال أنى هدى المبلغ اللى معايا لواحد قريبى عندة وديعة فى البنك بس وديعتة بــ 20 ألف وبكدة توصل وديعتةبعد ما يضيف فلوسى معاة لقيمة العربية وأخد العربية من البنك بضمان الوديعة وهتكون كدة وديعة 100%,,,وقولت بعد كدة هسدد المبلع الأصلى بتاع قريبى منى لية ويبقى فلوسة رجعتلة تانى وتفضل الوديعة لأنها طبعا هتتربط,,,وبكدة يبقى العائد من الوديعة يسدد القسط
اللى عايز اعرفة بقى :
1_ هل فى الحالة دى لازم أدفع مقدم بردة ولا كدة خلاص؟
2_ فى الحالة دى هيكون أية الضمانات المطلوبة منى علما أنى بشتغل حر ومش هقدر اوفر مفردات مرتب؟ وهيطلبوا ضامن ولا لأ؟
3_ العربية هيكون عليها حظر بيع أو أى شروط ولا لأ؟ ولا العربية كدة ملكى 100% ؟
4_ هل العربية هتكون بأسمى ولا بأسم البنك؟
5_ الفائدة على العربية هتكون كام بنظام الوديعة؟ لأنى سمعت أنهم فى الحالة دى بيزودوا 2% على عائد الوديعة ؟
6_ القسط الشهرى كدة هيكون كام ؟
7_ المدة المسموح بها للتقسيط حد أقصى قد أية؟
8_ هل هيكون فى تأمين إجبارى على العربية ولا لأ؟ ولو فى هيكون كام شهريا؟
9_ لو حبيت أسدد قيمة العربية بالكامل قبل مدة التقسيط هل هيكون فى غرامة مثلا أو أى مصاريف زيادة؟
10_ تسديد القسط هيكون إزاى يعنى أسدد فى البنك ولا يخصموا من الحاسب اللى بينزل فية الأرباح للوديعة؟
11_ هل مبلغ القسط لازم يتسدد شهريا كامل ؟ لأنى لقيت موضوع مكتوب فية أن فى حالة ضمان الوديعة بتدفع براحتك فى الحساب الخاص بالقسط يعنى كل مبلغ يتوفر معايا اروح أحطة براحتى مش لازم ثابت شهريا؟
12_ العربية كدة هتكون بأسم صاحب الوديعة ولا بأسمى؟ولو لازم بأسمة هل ينفع يبيعهالى بعد ما نستلمها بحيث تبقى ملكى أنا فى النهاية؟
13_ الإجراءات هتكون إزاى وفى مدة قد أية؟
أسف جدا على كثرة الأسئلة بس بصراحة تعبت من التفكيرالبحث والأسئلة ومش بوصل لحاجة ونفسى اعرف راسى من رجلى
|