رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
السلام عليكم
أنا عندى مشكله غريبه شويه ومش عارف ليها حل
أنا عندى عربيه دايهاتسو سيريون 2007 اوتوماتيك
عملتلها صيانه وغيرت سير "جنزير"الكتينه وترس الكتينه وبليه وكان فيه خبطه فى كارتيرة الزيت اتفكت واتظبطت وبعدها علطول فى نفس اليوم وانا ماشي بالعربيه على سرعه هاديه حسيت خبطه فى الجير ولمبة الO/D بتنور وتطفى والجير يتأخر فى النقل ويبقي مش مظبوط... ولما اجيب اى غيار مثلا ال R تلاقى هبده جامده فى العربيه
الكلام دا مش كل مشوار احيانا اه واحيانا لأ ولما ابطل العربيه او اجيب غيار N غالبا بيروح ....
ملحوظه : تم تغيير البطاريه فى الصيانه وطرمبة البنزين فيها مشكله يعنى فى الغيارات الواطيه العربيه بتاخد وقت على ما البنزين يوصل للماتور "جارى حل المشكله ان شاء الله النهارده"
فهل دا ليه علاقه بالصيانه ولا الجير باظ ولا اعمل ايه ؟!!!
التعديل الأخير تم بواسطة Eng.M.Ghonimy ; 02-12-2014 الساعة 12:24 PM
|