[citroen berlingo van]

انهاردا كنت رايح القاهرة من الزقازيق و وانا راجع كنت بسمع صوت تزييق غالبا جاى من العجل لانو كان متزامن مع لفة العجل و كل ما ازود بنزين بيبقى اسرع و لما بدوس فرامل بيروح الصوت حتى لو بهدى بس و الصوت فضل يعلى اكتر كل شوية لحد ماوصلت الزقازيق كان صوتو مزعج جدا لدرجة انو واحد يعرفنى قالى هى العربية مال صوتها عامل كدا ؟
انا لسة من شهر تقريبا مغير التيل اللى قدام و ملاجلش على التيل اللى فى العجل ورا بس الصوت دا اول مرة اسمعو انهاردا ... مش عارف لية ....(مع العلم الفرامل عادية و كويسة جدا و مش قافشة ولا فيها اى مشاكل و العربية ممكن ازقها بايدى سلسة جدا لو مش شادد الهاند و لو شديت الهاند على اول تكة بتمسك العربية و لو على منزل او مطلع تانى تكة بتكون كفاية جدا انها تمسك العربية و العجل اللى ورا او اللى قدام بلفو بايدى بسلاسة بس لاحظت ان العجل اللى قدام بعد المشوار دا كان سخن اكتر بكتير من اللى ورا )
يادوب سيبت العربية تحت البيت 5 دقايق و نزلت بيها تانى دورت و طالع بيها لاقيت الصوت راح ..... بس بعد مامشيت بيها حوالى 20 كيلو تانى من غير مابطل و الزحمة و كدا ابتدى يرجع تانى ........ و صوت الفرامل وانا بفرمل كان بيزيق زى الصوت اللى كانت بتعملو اول ماغيرت التيل اللى قدام وهو بيطبع
ياريت حد يفيدنى و شكرا ليكم