الوداع ... زوتيى (أو: اللى كان بيفكر فيها ينسى خلاص)
فى مصر المحروسة و كالعاده....
توكيل زوتيى المسلمى غلى أسعار زوتيى 5008 المعروفة باسم اكسبلوجن و تمنها دلوقتى 84 ألف
بقية الموديلات كلها مع التوكيل الأساسى الجديد - اللى مش بينزل 5008 زى ما يكونوا معرقين بعضهم - و أقل موديل فيهم تى-200 و بيبيعه ب 93 ألف
البلد دى مفيهاش فايدة ... كل أما عربية تبقى حلوة و ممكن الناس تبتدى تفكر فيها و يبقى عليها طلب يقوم سعرها ينط.. مع العلم إن الزيادة فى السعر أكبر عند المسلمى
ال تى-200 تمنها فى الصين من 46 ألف و حتى 50 ألف يوان حسب الأوبشنز و ده بالمصرى تقريبا من 60 ألف و حتى 70 ألف الزيادة هنا حوالى %30 يعنى يدوب الجمارك و ربح التوكيل
اللى أنا مش فاهمه: المسلمى زودها من حاجة و 70 ألف ل 84 ألف على أساس إيه؟ و بيقوللى على التلفون "فرق عملة" ... هوه الدولار غلى من السنة اللى فاتت و أنا مش واخد بالى؟؟
|