[ساعات الصمت]

بسم الله الرحمن الرحيم
الاخ الغالى mohamednaseem
انا لسه شارى السيارة دى من حوالى شهر
شاريها محتاجة حجات كتير تتغير مثل ابواب كبوت رفارف تابلوه وحجات كتير
وبرغم ذلك اقبلت على شرائها لانى قبلها كان معايا رينو 9 وعرفت يعنى ايه رينو ونعومته وقوته عن فئاته من نفس سعره
وبدائت رحلت تظبيط السيارة وشراء لوازمها
4 ابواب استيراد 1500 جنيه كاملين بفرشهم وزجاجهم وكل شئ
2 رفرف امامى 400 جنيه
كبوت 550 جنيه
2 فانوس امامى استيراد 350 جنية
2 فانوس اشارة امامى 75 جنية جديد
2 فانوس خلفى ديبو جديد 260 جنية
ستارة شنطة خلفية 250 جنية مش هتلاقيها غير فى رينو هوم مشيل حليم جسر السويس
يعنى فى رحلة بحثى عن قطع غيارها لاقيتها موجودة ويعتبر اسعارها مناسبة لكن الى مش موجود وبالنسبالى مهم وملقتهوش
يوجد كوتش تحت الابواب ملزوق فى السقف ده دخت عليه مش موجود لا جديد ولا استيراد وايضا كاوتش الزجاج الامامى والخلفى مش موجود
انا عارف كويس جدا ان اعادة بيع السيارة بيكون صعب جدااااااااااا وبيتخفس بيها الارض وبرغم كدة اقبات على شراها عارف ليه لانها عربية قويه جدا وشكل رائع وعفشة ممتاذة عشان كده جبتها
ملحوظة لو السيارة الى هتشتريها تكيفها محتاج شحن كان شحنه هو
لو عاوز تجيبها هتستمتع بقيادتها وشكلها فى فئتها وسعرها بس كون على يقين انك هتخسر فى اعادة بيعها وهتاخد وقت
انا كل الى تعبنى منها وزعلنى الكوتش الى قولتلك عليه
اسف انى طولت عليك بس هى دى وجهة نظرى
والامر فى الاخر يرجع لحضرتك وربنا يوفقك وفى انتظار اراء باقى الاعضاء يمكن حد بردو يفيدنى انى الاقى الكوتش ده