رد: ساعدوني ارجوكم عايز اختار بين-- اسبرانزا-لانوس-لوجان-فيرنا --
استبعد اللوجان لان شكلها نص نص وقطع غيارها اغلى من الفرنا
الفرنا 106 حصان واللانوس 86 حصان يعني فرق 20 حصان
الفرنا بتشد وبتسحب كويس قوي
ماتورها قوي اوي وبصراحة خطر ع الشباب يعني بتغريك بقوة ماتورها انك تسوق بسرعة وتشد ع الطريق وده غالبا بيكون آخرته حادثة والعياذ بالله
وتلاحظ ان معظم الحوادث المميتة بتكون فيها الفرنا
يعني زي مابيقولوا الفرنا ماتور قوي على هيكل ضعيف
وكمان الكل أجمع ان الفرنا بتعوم بعد سرعة 100 كم والحل انك تجنطها عشان تثبت ع الطريق
اللانوس ماركة كويسة وليها سمعة بس 1500 سي سي واغلى حاجة بسيطة من الفرنا
فيه ملحوظة تانية: الفرنا بوذها طويل اما اللانوس وانت قاعد بتشوف الأسفلت قريب، بس ده ممكن يتحل بانك ترفع كرسي الفرنا شوية
السبرانزا 516 ركبتها كتير تاكسي وأذهلتني عربية بجد رائعة، مزاياها كتير مقصورة فيها رفاهية وفخامة ووسع وكمان كنبة خلفية واسعة تاخد 4 مستريحين وشكل التابلوه فخم وفرشها جلد وعربية تقيلة وثابتة على السرعات العالية وماتورها كويس بس مش زي الفرنا لأن الفرنا هيكلها خفيف فبتلاقيها بتشد معاك جامد يعني سنة بنزين في الفرنا تخليك ترجع بظهرك ع الكرسي وتحس انك حتطير اما اسبرانزا فماتورها كويس بس عادي ويمكن ده لأنها نفسها تقيلة الوزن، وعلى فكرة فيها كماليات كتير زي تكييف بشاشة تتش وفوانيس شبورة أمامية وكمان خلفية وغيرها كتير
بس في النهاية وبعد كل المميزات دي لازم أقول لك عيوبها وهي ان عفشتها ناشفة ولأنها تقيلة فبتخليك تحس بأي مطب او حفرة حتى لو كانت صغيرة
ده غير انها صيني والخوف هنا ان بما انها صيني فممكن تكون كل الفخامة دي منظر بس وتطلع في الآخر برضو عربية تعبانة، ولو ان كل سواقين التاكسي اللي ركبت معاهم شكروا فيها جدا إلا انها لسة جديدة في مصر ومحتاجة سنتين مثلا للحكم عليها، ده غير انك لو اشتريتها وحبيت تبيعها بسرعة حتخسر فيها جامد لانها صيني وناس كتير حتخاف تشتريها لتكون فيها عيوب
أنصحك تركز ع الفيرنا او اللانوس وتختار اللي يناسبك
على فكرة انا كمان محتار بينهم ومش عارف اختار
لو عاوز قوة الموتور يبقى فرنا بس زي ماقلتلك انها خطر على الشباب أما لو عاوز موتور معقول وشكل كويس يبقى الللانوس بس دي 1500 سي سي
انا كمان محتاااااااااااااااااااااا ر ياريت حد يفيدناااااااااااااااا
انا بقالي اسابيع بركب التاكسي الجديد كل مرة ماركة من التلاتة واسال السواق ولسه مش عارف اوصل لاختياااااااااااااار
ربنا معانا
ياريت حد يفيدنااااااااااااااا ارجوكم وشكرا
|