رد: تعالوا نفكر مع بعض ازاى نخلى الماء وقود للسيارات
طبعاً الفكرة إللى عرضها الأستاذ سيد و إللى أخونا الكبير كارز أدماير ناقشها قبل كده ممتازة
بس مخاطرها و تأمينها صعب شوية, إنت ماشى بقنبلة هيدروجينية مصغرة فى العربية, أى غلطه لاقدر الله معناها (العربية تنفجر) بتعبير الأستاذ هشام الجزار, ربنا يكفينا كل شر
كانت فى فكرة تانية حاسس إنها أمنه بس برضو محتاجه تطوير منكم:
كلنا عارفين إن الهدف من الإحتراق داخل غرف الحرق فى المحركات (سواء بنزين أو ديزل) الهدف هو توليد ضغط على البستم ينزل لتحت علشان البستم إللى جنبه يطلع لفوق من خلال عمود الكرنك, يعنى الموضوع كله عاوز ضغط عالى و مفاجئ (سريع)
أياً كان الضغط بإيه, هوا أو مياه أو أى حاجه
يعنى لو عملنا دورة مياة مغلقه زى بتاعة الريداتير و عليها طرومبه قوية (مضخه ضغط عالى) ممكن نستخدمها بدل المواد البترولية.
و ساعتها مفيش عادم أصلاً لإن المياة غللى هتخرج بعد تحريك البساتم هتلف فى نفس الدورة تانى و ترجع على الطرومبه علشان يعاد ضخها مرة أخرى, و كل فترة نغير شوية المياة علشان الشوائب (طبعاً مياة مقطرة)يعنى مش هتفول أى حاجه تقريباً.
أعتقد الفكرة كلها تكمن فى إيجاد طرومبة بضغط مناسب و إستهلاك كهربا متوافق مع فولتية العربية.
محتاج أسمع آراء
__________________
|