المشاركة الأصلية كتبت بواسطة demonarundo
أنا أحسن واحد ممكن يجاوب على استفسارك , عشان بكل بساطة أنا امتلكت السيارتين
كان معايا كليو 2001 1.4 والآن معايا اكسارا 1 2001 1.6
لو حتكلم على العربيتين دول بالذات فالاكسارا أفضل منها فى كل شىء ماعدا قوة الموتور وأداءه فى الكليو اعلى , وكذلك استهلاك البنزين فى الكليو اعلى بس ده 2001 فقط لان الموتور 100 حصان
اما كليو 2003 1.2 فدى من أكثر العربيات الكليو التى لا احبها
وميزتها الوحيدة عن الاكسارا ان استهلاك البنزين أقتصادى جدا
أرجو توضيح الاكسارا 2003 اتوماتيك أم 1400 منوال ؟
مميزات الاكسارا : أوسع بكثير من الداخل - أداء التكييف أفضل - أنعم وثبات اعلى على الطريق وعلى السرعات العليا لا يقارن بأى سيارة كورية - أستهلاك بنزين معقول ومناسب - شكل خارجى أفضل بكثير - قطع غيار متوفرة
عيوب الأكسارا : صعوبة وجود واحدة معروضة بحالة جيدة لذلك انصح بالكشف الجيد قبل الشراء - سوق الكليو ماشى عنها - نفس قطع غيار البيجو وسعرها مرتفع نسبيا عن الكليو ( مش غالية اوى زى ما الناس ما فاكره )
طبعا لما تقارن كليو باكسارا فأكيد الاكسارا افضل بكثير خصوصا من كليو 2003 لأنها تركى وليست فرنساوى مثل 2001
واى استفسار آخر انا تحت امرك
|
يا باشا ربنا يكرمك
انت بصراحه وقعتلى من السما
وانت قولت المختصر المفيد
بس انا ممكن اضيف ان العربيتين مانيوال ومش شرط الكليو تبقى 2003 على فكره انا ممكن اجيب اى موديل على حسب الحاله
فلو كده مقارنتك فيها تغيير ياريت تقوللى رأيك مره تانيه